নগাঁও জিলা আৰক্ষী অধীক্ষকৰ উদ্যোগত চাইবাৰ ক্ৰাইম সম্পৰ্কীয় সজাগতা সভা 

নগাঁওৰ পৰা ঋতুপৰ্ণ শৰ্মা

আজি নগাঁও কলেজত সামাজিক মাধ্যম আৰু চাইবাৰ ক্ৰাইম সম্পৰ্কীয় এক সজাগতা কাৰ্যসূচী অনুষ্ঠিত হৈ যায় । জিলা আৰক্ষী অধীক্ষকৰ উদ্যোগত বিভিন্ন অনুষ্ঠানৰ লগতে আজি নগাঁও মহাবিদ্যালয়ত অযোজিত সজাগতা সভাত নগাঁও প্ৰশাসনৰ হৈ উপ-আৰক্ষী অধীক্ষক ডাঃ লব কুমাৰ ডেকাই বিষয়টো সুন্দৰভাৱে উপস্থাপন কৰে আৰু আৰক্ষী বিষয়া তৰংগ পাটোৱাৰীয়ে বিষয়টোৰ ওপৰত তথ্য সহকাৰে অতি আকৰ্ষণীয়  বক্তৃতা  আগবঢ়ায় । ছাত্ৰ-ছাত্ৰীৰ লগতে অনুষ্ঠানত উপস্থিত থকা সকলোকে এই বিষয়ে সজাগ কৰি দিয়া বাবে দুয়ো বিষয়াক কলেজ পৰিয়ালে ধন্যবাদ জনাই । নগাঁও জিলাৰ সুদক্ষ আৰক্ষী অধীক্ষক শংকৰব্ৰত ৰায় মেধিৰ সহযোগিতাৰো  ভূষসী প্ৰশংসা আৰু শলাগ লৈছে সকলোৱে ৷