ড্ৰাগছ ব্যৱসায়ীক আৰক্ষীয়ে মুকলি কৰি দিয়াৰ প্ৰতিবাদত জুৰীয়া কলেজৰ ছাত্ৰৰ পথ অৱৰাধ

জুৰীয়াৰ পৰা উত্তম কুমাৰ বৰা

নতুন প্ৰজন্মই দিনে দিনে নিচাজাতীয় দ্ৰব্যৰ প্ৰতি আসক্ত হোৱা দেখি জুৰীয়া মহাবিদ্যালয়ৰ ছাত্ৰই শুকুৰবাৰে এজন ড্ৰাগছ ব্যৱসায়ীক হাতে-লোটে ধৰি আৰক্ষীক গতাই দিয়াৰ বাতৰি আমি প্ৰকাশ কৰিছিলোঁ ৷

কিন্তু পৰিতাপৰ বিষয় এই যে আলী হুছেইন নামৰ ড্ৰাগছ ব্যৱসায়ীজনক আৰক্ষীক গতাই দিয়াৰ পাছত ভিতৰি বুজাবুজি কৰি আৰক্ষীয়ে মুকলি কৰি দিয়ে ৷ এই লৈ জুৰীয়া মহাবিদ্যালয়ৰ ছাত্র-ছাত্ৰীসকলে আৰক্ষীৰ ওপৰত ক্ষুণ্ণ হৈ পথ অৱৰোধ কৰি আজি প্ৰতিবাদ সাব্যস্ত কৰে ৷

জুৰীয়া আৰক্ষী হায় হায়, অসম চৰকাৰ হায় হায় ধ্বনি দি আকাশ-বতাহ কঁপাই জুৰীয়াৰ মূল গড়কাপ্টানী পথটো অৱৰোধ কৰাত তীব্ৰ যান-জঁটৰ সৃষ্টি কৰাৰ লগতে জুৰীয়া আৰক্ষী থানাৰ ভাৰপ্ৰাপ্ত বিষয়াক নিলম্বনৰ দাবী তোলে ছাত্ৰ-ছাত্ৰীসকলে ৷