সোণাৰিত গাঞ্জাসহ ১জনক আটক

সোণাৰিৰ পৰা ঘন বৰা
চৰাইদেউ জিলাৰ সোণাৰিৰ টিয়ক চাহ বাগিচাত আজি গাঞ্জাসহ হাতে-লোটে আটক কৰে এজন ব‍্যৱসায়ীক । টিয়ক বাগিচাৰ উৰিয়া লাইনত স্থানীয় চাহ শ্ৰমিক ৰাইজে প্ৰায় ৫ কেজি নিষিদ্ধ গাঞ্জাসহ আটক কৰিছে স্বপন পাল নামৰ গাঞ্জা বেপাৰীটোক ।

ধৃত স্বপন পালৰ ঘৰ সোণাৰিৰ ভৱানীপূৰত । শাক-পাচলিৰ বিক্ৰী কৰি পত্নীসহ দুই পুত্ৰক লৈ ঘৰখন চলাই আহিছিল স্বপনে । নিতৌ শাক-পাচলিৰ লগতে গাঞ্জা বিক্ৰী কৰি আহিছিল ধৃত স্বপন পালে ।

আজি ৰাইজে ধৃত স্বপনক গাঞ্জা বিক্ৰী কৰি থকা অৱস্থাতে হাতে-লোটে ধৰা পেলায় ।

পিছত উৰিয়া লাইনৰ ৰাইজে আৰক্ষীক খবৰ দিয়াত ঘটনাস্থলীত সোণাৰি আৰক্ষী উপস্থিত হৈ গাঞ্জা বেপাৰীটোক আটক কৰে ।

নিতৌ নাগালেণ্ডৰ পৰা গাঞ্জা আনি বিভিন্ন ঠাইত বিক্ৰী কৰি আহিছিল ধৃত স্বপনে ।