সমগ্ৰ ৰাজ্যৰ লগতে ধুবুৰীতো মধ্যাহ্ন ভোজন কৰ্মচাৰীৰ উত্তাল প্ৰতিবাদ

আজি ৰাজ্যজুৰি প্ৰতিবাদ সদৌ অসম মধ্যাহ্ন ভোজন কৰ্মচাৰী সন্থাৰ । সহস্ৰাধিক মহিলা ৰন্ধনকৰ্মীৰ প্ৰতিবাদত কঁপি উঠিল ধুবুৰী জিলা উপায়ুক্তৰ কাৰ্য্যালয় ।

সদৌ অসম মধ্যাহ্ন ভোজন কৰ্মচাৰী সন্থাৰ ধুবুৰী জিলা সমিতিয়ে চি আই টি ইউৰ সহযোগত আজি ধুবুৰী চহৰৰ শংকৰদেৱ শিশু উদ্যানৰ পৰা বৃহৎ প্ৰতিবাদী সমদল উলিয়ায় ।

প্ৰায় সহস্ৰাধিক মহিলা ৰন্ধন কৰ্মচাৰীয়ে হাতে হাতে বেনাৰ, প্লে'-কাৰ্ড লৈ কেন্দ্ৰীয় চৰকাৰ হায় হায়, অসম চৰকাৰ হায় হায় আৰু মুর্দাবাদ ধ্বনিৰে উত্তাল প্ৰতিবাদ সাব্যস্ত কৰে ।

সমদলটোৱে জিলা উপায়ুক্তৰ কাৰ্যালয়ৰ সন্মুখত অৱস্থান ধৰ্ণা কাৰ্যসূচী ৰূপায়ণ কৰি কঁপাই তোলে উপায়ুক্তৰ কাৰ্যালয় ।

দৰমহা বৃদ্ধিৰ লগতে চাকৰি নিয়মীয়াকৰণকে ধৰি কেইবাটাও দাবীত এই প্ৰতিবাদী কাৰ্যসূচী ৰূপায়ণ কৰি জিলা উপায়ুক্তৰ জৰিয়তে দেশৰ প্ৰধান মন্ত্ৰীলৈ এখন স্মাৰক-পত্ৰও প্ৰদান কৰে প্ৰতিবাদকাৰীসকলে ।