গোলাঘাটত পুনৰ বাঘ পিঞ্জৰাবদ্ধ

গোলাঘাটৰ বগৰীজেং নৰাগাঁৱত পুনৰ এটা বাঘ পিঞ্জৰাবদ্ধ হয় । উল্লেখ্য যে যোৱা ১৯ ছেপ্টেম্বৰত অঞ্চলটোত এটা প্ৰকাণ্ড নাহৰফুটুকী পিঞ্জৰাবদ্ধ হৈছিল ।

আজি পুনৰ বন বিভাগৰ সহযোগত ৰাইজে স্থাপন কৰা পিঞ্জৰাত বন্দী হয় অন্য এটা প্ৰকাণ্ড নাহৰফুটুকী ।

অঞ্চলটোত দীৰ্ঘদিনৰ পৰা গৰু, ছাগলী, গাহৰি আদি জীৱ-জন্তু ভক্ষণ কৰি সন্ত্ৰাস সৃষ্টি কৰি আহিছিল বাঘটোৱে ।

এইটোকে ধৰি যোৱা ২০১৬ চনৰ পৰা দুটা বছৰত মুঠ ৮টা বাঘ পিঞ্জৰাবদ্ধ হোৱাৰ উপৰি চলিত বৰ্ষত ৩টা বাঘ পিঞ্জৰাবদ্ধ হয় অঞ্চলটোত ।