নাৰায়ণপুৰত মধ্যাহ্ন ভোজন কৰ্মচাৰীৰ উত্তাল প্ৰতিবাদ

ৰাজ্যৰ বিদ্যালয়সমূহত কৰ্মৰত মধ্যাহ্ন ভোজনৰ ৰান্ধনীসকলৰ চাকৰি ব্যক্তিগত খণ্ডক গতাব বিচৰাৰ বিৰোধিতা, চাকৰি নিয়মীকৰণ, দৰমহা বৃদ্ধি, মাননীৰ পৰিৱৰ্তে মজুৰি দিয়াকে ধৰি কেবাটাও গুৰুত্বপূৰ্ণ দাবীত আজি সদৌ অসম মধ্যাহ্ন ভোজন কৰ্মচাৰী ইউনিয়নৰ নাৰায়ণপুৰ ব্লক সমিতিয়ে এক বৃহৎ প্ৰতিবাদী সমদল উলিয়ায় ।

নাৰায়ণপুৰ নগৰৰ মাজমজিয়াত অৱস্থিত বাণী সংঘৰ প্ৰেক্ষাগৃহৰ পৰা সমদল কৰি প্ৰতিবাদী মধ্যাহ্ন ভোজন কৰ্মচাৰীসকলে নাৰায়ণপুৰ খণ্ড প্ৰাথমিক শিক্ষা বিষয়াৰ কাৰ্যালয়ত উপস্থিত হৈ বিভিন্ন শ্লোগানেৰে পৰিবেশ উত্তাল কৰি তোলে ।

প্ৰতিবাদৰ অন্তত মধ্যাহ্ন ভোজন কৰ্মচাৰীসকলে শিক্ষা বিষয়াৰ জৰিয়তে দেশৰ প্ৰধান মন্ত্ৰীলৈ বুলি বিভিন্ন দাবীসম্বলিত এখন স্মাৰক-পত্ৰ প্ৰদান কৰে ।