হাবি-জংঘলেৰে ভৰিছে ১৫নং ৰাষ্ট্ৰীয় ঘাইপথ : কাণসাৰ নাই বিভাগীয় কৰ্তৃপক্ষৰ 

ওদালগুৰি জিলাৰ মাজেৰে পাৰ হোৱা ১৫নং ৰাষ্ট্ৰীয় ঘাইপথৰ দাঁতিসমূহত হাবি-জংঘলসমূহ চাফা নকৰাৰ ফলত ব্যাপক সমস্যাৰ সন্মুখীন হ'বলগীয়া হৈছে পথচাৰীসকল ।

ৰাষ্ট্ৰীয় ঘাইপথটিত নিতৌ সহস্ৰাধিক যান-বাহনৰ চলাচল হোৱাৰ ফলত পথচাৰীসকলে বিপদসংকুলভাৱে চাইকেল, ৰিক্সা আদিৰ সৈতে পথৰ মাজেৰে অহা-যোৱা কৰিবলগীয়া হৈছে ৷

ফলত বহুকেইটা দুৰ্ঘটনা সংঘটিত হৈ বহু লোক আহত হ'বলগা হৈছে ।

ওৰাঙৰ সচেতন মহলে বিভাগীয় বিষয়া-কৰ্মচাৰীসকলক ৰাষ্ট্ৰীয় ঘাইপথৰ দাঁতিতে থকা হাবি-বনসমূহ পৰিষ্কাৰ কৰিবলৈ আহ্বান জনাইছে ।