সৰভোগত চাইকেল চোৰ আটক : ১৪খন চাইকেল উদ্ধাৰ

বৰপেটা জিলাৰ সৰভোগৰ ষ্টেট বেংকৰ সন্মুখৰ পৰা শুকুৰবাৰে ৰাইজে এটা চাইকেল চোৰক আটক কৰি আৰক্ষীক চমজাই দিয়ে ।

সৰভোগৰ ষ্টেট বেংকৰ সন্মুখত চাইকেল চুৰি কৰিবলৈ চেষ্টা কৰি থকাৰ সময়তে ৰাইজে প্রত্যক্ষ কৰি জাকিৰ হুছেইন (১৯) নামৰ চাইকেল চোৰটোক আটক কৰে ।

আটক হোৱা চোৰটোৰ ঘৰ বৰপেটাৰ ভেৰালদীত ।

পিছত চোৰটোৰ স্বীকাৰোক্তিৰ ভিত্তিত আৰক্ষীয়ে শিমলাগুৰি আৰক্ষী চকীৰ অন্তৰ্গত ধূপগুৰিত কেমৎ আলীৰ ঘৰত অভিযান চলাই ১৪খন চাইকেল উদ্ধাৰ কৰে ।

উল্লেখ্য যে দীর্ঘদিন ধৰি বৰনগৰ অঞ্চলত চাইকেল চোৰৰ দৌৰাত্ম্যত ৰাইজে অস্বস্তিত থাকিবলগাত পৰিছিল ।