"মুখ্যমন্ত্ৰী সাহায্য পুঁজি"লৈ শিল্পী জুবিন গাৰ্গসহ বৃন্দাবন চুপাৰমাৰ্টৰ ১লাখ টকাৰ বৰঙণি

ক'ৰ’না প্ৰতিৰোধী সংগ্রামক শক্তিশালী কৰাৰ বাবে ৰাজ্য চৰকাৰলৈ শিল্পী জুবিন গাৰ্গৰ সহিতে বৃন্দাবন চুপাৰমাৰ্টে আগবঢ়াইছে অনুদান। ক’ভিড টীকাকৰণ অভিযান শক্তিশালী কৰাৰ বাবে মুখ্যমন্ত্ৰীৰ আহ্বানলৈ সঁহাৰি জনাই বৃন্দাবন চুপাৰমাৰ্টৰ প্ৰতিনিধিসকলৰ সৈতে জুবিন গাৰ্গে মুখ্যমন্ত্ৰী সাহায্য পুঁজিলৈ আগবঢ়াইছে ১ লাখ টকাৰ আৰ্থিক বৰঙনি।

মঙলবাৰে মুখ্যমন্ত্ৰীৰ কাৰ্যালয়ত উপস্থিত হৈ  ডঃ হিমন্ত বিশ্ব শৰ্মাৰ হাতত এক লাখ টকাৰ চেক আগবঢ়াই। উল্লেখ্য যে  মুখ্যমন্ত্ৰীক সাক্ষাতৰ সময়ত শিল্পী জুবিনৰ সৈতে উপস্থিত থাকে গণেশ ৰয় মেধি(বংকিম) আৰু জয়ন্ত কাকতি। বৰঙণি গ্ৰহণ কৰি মুখ্যমন্ত্ৰীয়ে শিল্পী গৰাকীৰ এই প্ৰদক্ষেপক ধন্যবাদ জনাই।