চিৰাঙৰ চাপাগুৰিৰ কিশোৰী দহ দিন ধৰি নিখোজ  

বঙাইগাঁৱৰ প্ৰতিবেদক:

চিৰাং জিলাৰ এগৰাকী ১৬ বছৰীয়া কিশোৰী বিগত দহদিন ধৰি নিখোজ হৈ আছে।প্ৰাপ্ত তথ্য অনুসৰি জিলাখনৰ ঢালিগাঁও থানাৰ অন্তৰ্গত চাপাগুৰিৰ ১ নং ৱার্ড নিবাসী বিষ্ণুদেৱ প্রসাদৰ কন্যা ৰঞ্জিতা প্রসাদ নামৰ কিশোৰীগৰাকী যোৱা ২১ জুলাইৰ পুৱা ৯ বজাত নিজ গৃহৰ পৰা ওলাই যোৱাৰ পিছৰে পৰা নিখোজ হৈ আছে।কিশোৰীগৰাকীৰ মাতৃয়ে ২২ জুলাইত কন্যা নিৰুদ্দেশ হোৱা সন্দৰ্ভত ঢালিগাঁও থানাত বিষয়টো অৱগত কৰাত আৰক্ষীয়ে জিডিই ৬১৯/২০ নম্বৰত এটা গোচৰ ৰুজু কৰি তদন্ত অব্যাহত ৰাখিছে যদিও এতিয়ালৈকে কিশোৰীগৰাকীৰ সন্ধান লাভ কৰিব পৰা নাই।প্ৰায় ৪ ফুট ৫ ইঞ্চি উচ্চতাৰ বগা বৰণৰ কিশোৰীগৰাকীয়ে নীলা বৰণীয়া জিনছৰ পেণ্ট আৰু টপ পিন্ধি আছিল বুলি পৰিয়ালৰ লোকে জানিবলৈ দিছে।