মৰিগাঁও জিলা আৰক্ষী অধীক্ষকৰ নেতৃত্বত অভিযান:২ দুধৰ্ষ ড্ৰাগছ সৰবৰাহকাৰীক গ্ৰেপ্তাৰ

*বালিজান টুমোকাবড়ীত আৰক্ষীৰ অভিযানত ১১ হেজাৰ নিচাযুক্ত টেবলেটকে ধৰি এখন মটৰ চাইকেল,দুখন গাড়ী জব্দ*
*মূল অভিযুক্ত মোবাচি ইকবালৰ পলায়ন*

মৰিগাঁৱৰ পৰা জিতুমণি নাথ:

মৰিগাঁও জিলাৰ নৱনিযুক্ত আৰক্ষী অধীক্ষক ড: নন্দসিং বৰকলাৰ নেতৃত্বত দেওবাৰে সন্ধিয়া নিচাযুক্ত সামগ্ৰীৰ সৰবৰাহকাৰী ২ জন দুধৰ্ষ অপৰাধীক গ্ৰেপ্তাৰ কৰাৰ লগতে ১১ হেজাৰতকৈও অধিক  নিচাযুক্ত টেবলেটকে ধৰি এখন নম্বৰ বিহীন মটৰ চাইকেল আৰু দুখন গাড়ী জব্দ কৰিবলৈ সক্ষম হয়। মৰিগাঁৱত যোগদান কৰিয়েই সামাজিক ব্যাধিৰ হিচাপে চিহ্নিত ড্ৰাগছকে ধৰি নিচাযুক্ত সামগ্ৰীৰ সৰবৰাহ কাৰীৰ বিৰোদ্ধে সৰৱ হৈ পৰা মৰিগাঁও আৰক্ষী অধীক্ষক ড০ নন্দসিং বৰকলাই দেওবাৰে সন্ধিয়া এটা গোপন খবৰৰ ভিত্তিত জিলাখনৰ মিকিৰভেটা আৰক্ষী থানাৰ অন্তৰ্গত বালিজান টুমোকাবড়ীত  অভিযান চলাই।মিকিৰভেটাৰ থানাৰ ভাৰপ্ৰাপ্ত আৰক্ষী বিষয়া মৃদুল হাজৰিকাই সহযোগ কৰা উক্ত অভিযানত বালিজান বজাৰৰ মোফাদিচ  ইকবাল বাহাৰ  ওৰফে পুতুল ওৰফে ৰাজা(৩০) নামৰ যুৱকজনৰ ঘৰত আৰক্ষীয়ে চলোৱা অভিযান কালত মাটিৰ তলত অতি গোপনে ৰখা ১১ হেজাৰ নিচাযুক্ত সামগ্ৰীৰ (ড্ৰাগছকে ধৰি ক'ৰেক্স) লগতে এখন নম্বৰ বিহীন পালচাৰ মটৰ চাইকেল  As02w-4675 আৰু As01BJ-6162 নম্বৰৰ দুখন চুইফ ডিজাৰ  গাড়ী জব্দ কৰে। তদুপৰি নিচাযুক্ত দ্ৰব্যৰ  সৰবৰাহ কাৰী ধৰমতুল থানাৰ বৰতেলাহীৰ চাবিদুৰ  ৰহমান(৩২),মৰিগাঁও  নগৰৰ সমীপৰৱতী উত্তৰ মিলনপুৰৰ ওমৰ আলী(৩৪) নামৰ দুজন দুধৰ্ষ অপৰাধীক গ্ৰেপ্তাৰ কৰিবলৈ সক্ষম হয় যদিও আৰক্ষীৰ চকুত ধূলি দি মূল অপৰাধী মোফাদিচ  ইকবাল বাহাৰ ওৰফে পুতুল ওৰফে ৰাজা পলাই যাবলৈ সক্ষম হয়। মৰিগাঁও জিলাত  দীৰ্ঘদিনে নিচাযুক্ত সামগ্ৰীৰ সৰবৰাহ কৰি অহা এই দুধৰ্ষ অপৰাধী কেইজনৰ পৰা আৰক্ষীয়ে আৰু অধিক তথ্য উদ্ধাৰৰ স্বাৰ্থত তদন্ত অব্যাহত ৰখা বুলি জনিব পৰা গৈছে।