আকনা শাখা ছাত্ৰ সন্থাৰ নতুন সমিতি গঠন

দ্বিজেন ডেকা,ঘগ্ৰাপাৰ: 

সদৌ নলবাৰী জিলা ছাত্ৰ সন্থাৰ অন্তৰ্গত বৰাজোল আঞ্চলিক ছাত্ৰ সন্থাৰ এলেকাধীন আকানা শাখা ছাত্ৰ সন্থাৰ সমিতিখন সোমবাৰে পুনৰ গঠন কৰা হয়।আকনা শাখা ছাত্ৰ সন্থাৰ সভাপতি কুশল পাঠকৰ সভাপতিত্বত অনুষ্ঠিত কাৰ্যনিৰ্বাহক সভাখনৰ উদ্দেশ্য ব্যাখ্যা কৰে আকনা শাখা ছাত্ৰ সন্থাৰ সাধাৰন সম্পাদক ৰমজান আলীয়ে।সভাত উপস্থিত থাকি সদৌ নলবাৰী জিলা ছাত্ৰ সন্থাৰ ক্ৰীড়া সম্পাদক কংকন কলিতাই ছাত্ৰ সন্থাৰ প্ৰতিগৰাকী সদস্য-বিষয়ববীয়াক সেৱাৰ মনোভাৱেৰে কাম কৰিবলৈ আহ্বান জনায়।ছাত্ৰ নেতা আজিজুল ইছলামে শাখা ছাত্ৰ সন্থাৰ সতীৰ্থ আৰু বিষয়ববীয়াসকলক অধ্যয়নত আগুৱাই যোৱাৰ লগতে মাটি আৰু শিপাৰ লগত সম্পৃক্ত হৈ সমাজ সেৱা কৰিবলৈ আহ্বান জনায়।বৰাজোল আঞ্চলিক ছাত্ৰ সন্থাৰ ভাৰপ্ৰাপ্ত সভাপতি মৃগেন দাস,সাধাৰন সম্পাদক জীৱন জ্যোতি ডেকা,শিক্ষা সম্পাদক ধনমনি দাস উপস্থিত থকা উক্ত কাৰ্যনিৰ্বাহকতে আকনা শাখা ছাত্ৰ সন্থাৰ সমিতখন নতুনকৈ গঠন কৰা হয়।কুশল পাঠকক সভাপতি আৰু ৰেকিনুৰ আহমেদক সাধাৰন সম্পাদক হিচাপে লৈ ১৩ জনীয়া কমিটীখন গঠন কৰা হয় বুলি আকনা শাখা ছাত্ৰ সন্থাৰ সাধাৰন সম্পাদক ৰমজান আলীয়ে জানিবলৈ দিয়ে।