আজিৰেপৰা অনিৰ্দিষ্ট কাললৈ ৰাজ্যত আন্তঃজিলা যাতায়ত বন্ধ

*মঙলবাৰে পূৰ্বৰ অভিলেখ ভংগৰে ৰাজ্যত ক'ৰ'নাত আক্ৰান্ত হৈছে ১৬৮০ জন*

ক'ৰ'না ভাইৰাছৰ ভয়ংকৰ গণ সংক্ৰমণৰ বাবে আজিৰে পৰা ৰাজ্যত আন্তঃজিলা ভ্ৰমণ বন্ধ।ৰাজ্যৰ ৩৩খন জিলাৰ বাসিন্দাসকলে কোনো কাৰণতে নিজ জিলা এৰি অন্য জিলালৈ যাব নোৱাৰিব।উল্লেখ যে অনিৰ্দিষ্ট কালৰ বাবে এই ঘোষণা বাহাল থকাৰ কথা ৰাজ্যৰ মুখ্য সচিব কুমাৰ সঞ্জয় কৃষ্ণই উল্লেখ কৰিছে।

ৰাজ্যত ক্ৰমাৎ জটিল হৈছে ক'ৰ'না ভাইৰাছৰ গণ সংক্ৰমণ।মঙলবাৰে পূৰ্বৰ সকলো অভিলেখ ভংগ কৰি ৰাজ্যত এটা দিনত ক'ৰনাত মুঠ আক্রান্ত হৈছে ১৬৮০জন।তাৰে গুৱাহাটীত ৫৭০জন,যোৰহাটত ১৬৭জন, কাছাৰত ১৫৯জন নতুনকৈ ক'ৰ'নাত আক্রান্ত হৈছে।