সোমবাৰে কামৰূপ(ম) জিলাৰ কোন কাষৰ দোকান মুকলি কৰিব পাৰিব জানি লওক...

*মঙলবাৰে কোন কাষৰ দোকান মুকলি হ'ব জানি লওক*

ক'ৰ'না ভাইৰাছৰ প্ৰতিৰোধৰ বাবে তিনি সপ্তাহৰ লকডাউনৰ অন্ত পৰাত সোমবাৰৰ পৰা কামৰূপ(ম) জিলাৰ সকলো ব্যৱসায়িক প্ৰতিষ্ঠান মুকলি কৰা হ'ব।মুখ্য সচিব কুমাৰ সঞ্জয় কৃষ্ণৰ নিৰ্দেশনা অনুসৰি জিলা প্ৰশাসনে নিৰ্ধাৰণ কৰিছে যে সোমবাৰে পথৰ সোঁ-কাষৰ দোকানসমূহ মুকলি কৰা হ'ব।মঙলবাৰে পথৰ বাওঁ-কাষৰ দোকানসমূহ মুকলি কৰিব পাৰিব।

জিলা উপায়ুক্ত বিশ্বজিৎ পেগুৱে কামৰূপ(ম) জিলা চেম্বাৰ্ছ অৱ কমাৰ্চৰ সভাপতি আৰু ব্যৱসায়ী সন্থাসমূহৰ সৈতে বৈঠকত মিলিত হোৱাৰ পিছতে ঘোষণা কৰে এই নিয়মৰ কথা।

জিলা প্ৰশাসনে ঘোষণা কৰা অনুসৰি পল্টন বজাৰৰ পৰা খানাপাৰালৈ সোঁকাষৰ দোকান মুকলি কৰা হ'ব।একেদৰে জালুকবাৰীৰ পৰা নুনমাটিলৈ।জালুকবাৰীৰ পৰা ভিআইপি ৰোড হৈ আজাৰা।ছয়মাইল-নাৰেংগীলৈ সোঁঁ-কাষৰ দোকানসমূহ মুকলি কৰিব পাৰিব।

গুৰুত্বপূৰ্ণ কথা এই যে অহা সপ্তাহত একে নিয়ম বাহাল থাকিব জিলাখনত।