নলবাৰীত বুজন পৰিমাণৰ নিচাযুক্ত টেবলেট জব্দ 

দ্বিজেন ডেকা,ঘগ্ৰাপাৰ: 

ড্ৰাগচৰ ঘাটিত পৰিণত নলবাৰীত পুনৰ জব্দ হ'ল বুজন পৰিমাণৰ নিচাযুক্ত টেবলেট।মঙলবাৰে ড্ৰাগচ সৰবৰাহত ব্যৱহৃত গাড়ী সহ।নিচাযুক্ত টেবলেট জব্দ কৰিছে নলবাৰী আৰক্ষীয়ে।জব্দ কৰা গাড়ীখনৰ নম্বৰ হ'ল এ এছ ২৮ ৬২০২।জানিব পৰা মতে,কামাল আলী নামৰ এজন গাড়ী চালকক প্ৰথমে সন্দেহৰ ভিত্তিত আটক কৰা হয়। গাড়ী চালক কামাল আলীয়ে দীৰ্ঘ দিন ধৰি শ্বহীদ মুকুন্দ কাকতি অসামৰিক চিকিৎসালয় চৌহদত নিচাযুক্ত টেবলেট বিক্ৰী কৰি পৰিবেশ বিনষ্ট কৰিছিল। অবশেষত নলবাৰী আৰক্ষীৰ বিশেষ অভিযানত কামাল আলী ধৰা পৰে।আটকাধীন কামাল আলীৰ স্বীকাৰোক্তিৰ ভিত্তিত আৰক্ষীয়ে পুনৰ অভিযান চলাই মোল্লাপাৰাৰ পৰা বহু পৰিমাণৰ নিচাযুক্ত টেবলেট জব্দ কৰে।মোল্লাপাৰাৰ ইক্ৰাম আলীৰ ঘৰৰ পৰা এক কাৰ্টন নিচাযুক্ত টেবলেট জব্দ কৰা হৈছে।দীৰ্ঘদিন ধৰি ড্ৰাগচৰ বেহাত জড়িত থকা ইক্ৰাম আলিয়ে সমগ্ৰ নলবাৰীতে নিচাযুক্ত টেবলেট মেলি দি ৰমৰমীয়া ব্যৱসায় চলাই থকাৰ অভিযোগ উত্থাপন হৈছে।সম্প্ৰতি ইক্ৰাম আলী পলাতক হৈ আছে।ইক্ৰাম আলীক গ্ৰেপ্তাৰ কৰিবলৈ আৰক্ষীৰ অভিযান অব্যাহত আছে বুলি জানিব পৰা গৈছে ।