নলবাৰীত বিশ্ব ৰক্তদাতা দিৱস পালন:উপায়ুক্তৰ ৰক্তদান

দ্বিজেন ডেকা,ঘগ্ৰাপাৰ:

আজি বিশ্ব ৰক্তদাতা দিৱস উপলক্ষে ৰাজ‍্যৰ বিভিন্ন প্ৰান্তৰৰ লগতে নলবাৰীতো নলবাৰীৰ শ্বহীদ মুকুন্দ কাকতি অসামৰিক চিকিৎসালৰ ব্লাড বেংকত জিলা উপায়ুক্ত ভাৰত ভূষণ দেৱ চৌধুৰী আৰু তেওঁৰ সহধৰ্মিনী দীপান্বিতা চৌধুৰীয়ে ৰক্ত দান কৰে।ইয়াৰ পূৰ্বে নোবেল বঁটা বিজয়ী বিজ্ঞানী কাৰ্ল লেণ্ডষ্টেইনাৰৰ প্ৰতিকৃতিত বন্তি প্ৰজ্জ্বলন আৰু পুষ্পাঞ্জলি প্ৰদান কৰা হয়।উল্লেখযোগ্য যে উক্ত বিজ্ঞানীগৰাকীৰ জন্ম দিৱসতে বিশ্ব ৰক্তদাতা দিৱস পালন কৰা হয়।ইয়াৰ পিছতে, চিকিৎসালয়খনত নাৰ্ছসকলে ‘মানুহে মানুহৰ বাবে’ গীতটো পৰিৱেশন কৰে।এই অনুষ্ঠানত নলবাৰীৰ যুটীয়া স্বাস্থ্য সেৱা সঞ্চালক,অধীক্ষক,চিকিৎসক আৰু নাৰ্ছসকলে অংশগ্ৰহণ কৰে।