গোলাঘাটত ৬০ বছৰীয়া বৃদ্ধৰ কামনাৰ বলি নাবালিকা 

গোলাঘাটৰ  প্ৰতিবেদক:

লকডাউনৰ সময়চোৱাত এটা জঘন্য ঘটনাই এতিয়া জোকাৰি গৈছে গোলাঘাট।এজন  সম্বন্ধীয় ককাকে ধৰ্ষণ কৰিলে নাতি সম্বন্ধীয় এগৰাকী কিশোৰীক। গোলাঘাটৰ বকতীয়াল গাঁৱত সংঘটিত এই কুকাৰ্যত ডিম্বেশ্বৰ শইকীয়া নামৰ ৬০ বছৰীয়া  বৃদ্ধই প্ৰায় চাৰিমাহ ধৰি ধৰ্ষণ কৰি আহিছিল নাতি সম্বন্ধীয় এগৰাকী ১২ বছৰীয়া কিশোৰীক।কিশোৰীগৰাকী অন্ত:সত্বা হোৱাতহে সমগ্ৰ ঘটনা পোহৰলৈ আহে।শনিবাৰে কিশোৰীগৰাকীৰ মাতৃয়ে ঘটনা সম্পৰ্কত কমাৰবন্ধা আৰক্ষী থানাত লম্পট ডিম্বেশ্বৰ শইকীয়াৰ বিৰুদ্ধে  এখন এজাহাৰ দাখিল কৰে।উক্ত এজাহাৰ ভিত্তিত কমাৰবন্ধা আৰক্ষীয়ে ধৃত ব্যক্তিজনক আটক কৰিছে। সোধ-পোচত সমগ্ৰ ঘটনাৰ সত্যতা স্বীকাৰ কৰে ধৃত ব্যক্তিজনে।উল্লেখ্য যে কিশোৰীগৰাকীক অসৎ কাৰ্য চৰিতাৰ্থ কৰিবৰ বাবে বিভিন্ন সময়ত বিভিন্ন ধৰণৰ খাদ্য- সামগ্ৰী আৰু খুচুৰা পইচা আদি দি প্ৰলোভিত কৰি আহিছিল।এতিয়া স্থানীয় ৰাইজে লম্পট ডিম্বেশ্বৰক  উচিত শাস্তি প্ৰদান কৰি ফাঁচীৰ দাবী তুলিছে।