আৰ্তজনৰ কাষত এবিভিপিৰ বৰভাগ শাখাৰ প্ৰতিনিধি

নৰেন শৰ্মা,বাহাৰঘাট:

বিশ্বত ক'ৰ'না ভাইৰাছৰ বাবে চলি থকা সংকটৰ সময়ত বহুতো পৰিয়াললৈ দুৰ্দশা নামি আহিছে।তেনেকুৱা এটি পৰিয়াল হৈছে বৰভাগৰ আঠঘৰীয়া গাওঁৰ প্ৰফুল্ল শৰ্মাৰ পৰিয়াল৷তেওঁৰ পৰিয়াললৈও নামি আহিছে সংকট।ৰুগীয়া পত্নীৰ সতে জীৱন নিৰ্বাহ কৰি আহিছিল প্ৰফুল্ল শৰ্মা৷পৰিয়ালটোৰ কাষত শনিবাৰে অখিল ভাৰতীয় বিদ্যাৰ্থী পৰিষদ, বৰভাগ শাখাই ৫৩ নং গাওঁ পঞ্চায়তৰ সভাপতিৰ সহযোগত তেখেতৰ পৰিয়ালটোক কিছু প্ৰয়োজনীয় সামগ্ৰী(মুগৰ দালি, বিস্কুট,চাবোন,অ'টছ আদি) যোগান ধৰাৰ লগতে আৰ্থিকভাৱে কিছু সহায় কৰে।এবিভিপিৰ সঁজাতি দলটোৰ হৈ উপস্থিত থাকে এবিভিপিৰ নলবাৰী জিলাৰ সামাজিক প্ৰচাৰ মাধ্যম প্ৰমুখ ৰঞ্জন বৈশ্য,বৰভাগ শাখাৰ সম্পাদক দিপাংকৰ ডেকা।লগতে বৰভাগ শাখাৰ সদস্য অবিনাশ দাস আৰু জ্যোতিপ্রসাদ শৰ্মাই সহযোগ কৰে।