নলবাৰীত সাংবাদিকক সম্বৰ্দ্ধনা,প্ৰদান কৰিলে ছেনিটাইজাৰ

নলবাৰীৰ পৰা হেমন্ত কলিতা:

নলবাৰী জিলাৰ বাঁহজানীত দক্ষিণ নলবাৰী প্ৰেছ ক্লাব,বাঁহজানীৰ সাংবাদিকসকলক সামাজিক দূৰত্ব মানি চলি সম্বৰ্ধনা জনোৱাৰ লগতে  ছেনিটাইজাৰ বিতৰণ কৰা হয়৷মঙলবাৰে বাঁহজানী অঞ্চলৰ মিলন চ'কস্থিত বিজেপি কাৰ্যালয় প্ৰাংগণত  অনুষ্ঠিত হোৱা এই সামগ্ৰী বিতৰণ অনুষ্ঠানত উপস্থিত থাকি নলবাৰী জিলা বিজেপিৰ সভাপতি ডা° মৃগাঙ্ক তালুকদাৰে ভাষণত কয়- "ক’ৰ’না ভাইৰাছৰ বাবে সমগ্ৰ দেশজুৰি লকডাউন চলি থকাৰ মাজতে চিকিৎসাৰ লগত জড়িত ব্যক্তিসকলে দিনে-নিশাই কষ্ট কৰি আছে আৰু গণতন্ত্ৰৰ চতুৰ্থ স্তম্ভ সাংবাদিকসকলে অশেষ কষ্টৰ মাজেৰে নিজৰ জীৱনকো তুচ্ছ জ্ঞান কৰি সংবাদ সংগ্ৰহ কৰি আহিছে৷" তাৰ পিছতে বিজেপিৰ যুৱ কৰ্মী ভাস্কৰ তালুকদাৰৰ নিজা প্ৰচেষ্টাত সাংবাদিক কামিনী কান্ত মিশ্ৰ,শংকৰ শৰ্মা,নিৰেণ ডেকা, তপন মজুমদাৰ,গৌতম বেজবৰুৱা,হেমন্ত কলিতা,হিৰণ্য ভট্টাচাৰ্য,অজিত চক্ৰৱৰ্তী,  আৰু কমল কলিতাক সম্বৰ্ধনা জনোৱাৰ উপৰি আৰু ছেনিটাইজাৰ বিতৰণ কৰে।উক্ত অনুষ্ঠানত  ভাৰতীয় জনতা পাৰ্টীৰ পূূব নলবাৰী মণ্ডল সমিতিৰ সাধাৰণ সম্পাদক বিনোদ তালুকদাৰ‌, জিলা বিজেপিৰ কাৰ্যনিৰ্বাহক অঞ্জন ডেকা,  মিন্টু তামুলী, বিজয় তামুলী, ভাৰতীয় জনতা যুৱ মৰ্চাৰ পূব নলবাৰী মণ্ডল সমিতিৰ সভাপতি  পৰাগ চক্ৰৱৰ্তী,৯ নং মধ্য বাঁহজানী গাঁও পঞ্চায়তৰ সভানেত্ৰী জোনমণি বৈশ্য তালুকদাৰ,৮ নং উত্তৰ বাঁহজানী গাঁও পঞ্চায়তৰ সভানেত্ৰী আৰতী বৈশ্য, আঞ্চলিক সদস্য জয়দেৱ দাসসহ স্থানীয় বুথ পৰ্যায়ৰ সভাপতি আৰু ভালেসংখ্যক দলীয়‌ কৰ্মী উপস্থিত থাকে।