ৰাজ্যত পুনৰ ৬জন লোক ক'ৰ'না আক্রান্ত:১২১লৈ বৃদ্ধি পালে আক্রান্তৰ সংখ্যা

ৰাজ্যত পুনৰ ৬জন লোকৰ দেহত ধৰা পৰিছে কোভিড-১৯।যোৰহাট আৰু গোলাঘাট জিলাত দুজনকৈ চিনাক্ত হৈছে নতুন আক্রান্ত।তাৰ বিপৰীতে নগাঁও আৰু কোকৰাঝাৰ জিলাত চিনাক্ত হৈছে এজনকৈ আক্রান্ত।এই কথা টুইটাৰৰ জড়িয়তে সদৰি কৰিলে মন্ত্ৰী ড: হিমন্ত বিশ্ব শৰ্মাই।

উল্লেখ যে যোৰহাটৰ এজন আক্রান্ত চেন্নাইৰ পৰা অহাৰ বিপৰীতে বাকী আক্রান্তকেইজন দাৰ্জিলিঙৰ পৰা অহা।কোৱাৰেণ্টাইন হৈ আছিল আক্রান্তকেইজন।বৰ্তমান ৰাজ্যত আক্রান্তৰ সংখ্যা ১২১জনলৈ বৃদ্ধি পালে।মৃত্যু হৈছে ৪ জনৰ।