ঘগ্ৰাপাৰত সাংবাদিককে ধৰি বিভিন্নজনক ৰেডক্ৰ'ছৰ হাইজিন বক্স উপহাৰ

দ্বিজেন ডেকা,ঘগ্ৰাপাৰ:

বিশ্ব ৰেডক্ৰছ চ'ছাইটিৰ প্ৰতিষ্ঠা দিৱস উপলক্ষে ৮ মে'ত ৰেডক্ৰ'ছৰ নলবাৰী জিলা সমিতিয়ে ক'ৰ'নাবি ৰুদ্ধে যুঁঁজ দি অহা ঘগ্ৰাপাৰ প্ৰেছ ক্লাব,ঘগ্ৰাপাৰ আৰক্ষী থানাৰ ভাৰপ্ৰাপ্ত আৰক্ষী বিষয়া ভাস্কৰ মল্ল পাটোৱাৰী,ঘগ্ৰাপাৰ প্ৰাথমিক স্বাস্থ্য কেন্দ্ৰ বিষয়া আৰু ঘগ্ৰাপাৰ ৰাজহ চক্ৰ বিষয়া আদিক একোটা হাইজিন বক্স উপহাৰ দিয়ে৷নলবাৰী সমষ্টিৰ বিধায়ক তথা নলবাৰী ৰেডক্ৰছ ছ'চাইটিৰ অধ্যক্ষ অশোক শৰ্মা আৰু সম্পাদক পংকজ বৰ্মণৰ নেতৃত্বত অহা এটা সঁজাতি দলে ঘগ্ৰাপাৰ প্ৰাথমিক স্বাস্থ্য কেন্দ্ৰ,ঘগ্ৰাপাৰ আৰক্ষী থানা,ঘগ্ৰাপাৰ ৰাজহ চক্ৰ বিষয়া কাৰ্যলযৰ মুৰব্বীৰ লগতে ঘগ্ৰাপাৰ প্ৰেছ ক্লাবতো উপস্থিত হৈ একোটাকৈ স্বাস্থ্যবিধি সম্পৰ্কীয় সামগ্ৰীৰ বাকচ উপহাৰ দিয়ে৷বিধায়ক অশোক শৰ্মাই বিতৰণ কৰা ৰেডক্ৰ'ছ চ'ছাইটিৰ হাইজিন বক্সটোৰ  সামগ্ৰীৰ ভিতৰত চাবোন,টাৱেল দাঁঁত ব্ৰাচ,নেপকিন,টুথপেষ্ট আদিকে ধৰি মুঠ আঠবিধ সামগ্ৰী উপলব্ধ হৈছে।এই বিতৰণৰ সময়ত নলবাৰী ৰেডক্ৰ'ছ ছ'চাইটিৰ সভাপতি,সম্পাদক,কৰ্মকৰ্তাৰ লগতে বিজেপি নেতা ৰুবু দত্ত,মৃদুল কলিতা,চন্দন ডেকা  আৰু বড়িগোগ বনভাগ মন্ডল  বিজেপিৰ সভাপতি ডিম্বেশ্বৰ বেজবৰুৱা উপস্থিত থাকে৷