হাজোৰ বাউসীত চুৰি বাইকসহ চোৰ আটক

হাজোৰ পৰা কমলাকান্ত দাস: হাজোৰ বাউসীত বৃহস্পতিবাৰে এখন চুৰি বাইকসহ এটা চোৰক আটক কৰে আৰক্ষীয়ে।চুৰি বাইকসহ ধৃত চোৰটো হৈছে হাজো আৰক্ষী থানাৰ অন্তৰ্গত বাউসীৰ বলেন কলিতাৰ পুত্ৰ কমল কৃষ্ণ কলিতা(১৪)।আৰক্ষী সূত্ৰে জানিব পৰা মতে,বুধবাৰৰ নিশা প্ৰায় আঠ বজাত বৰম্বৈ বজাৰ চ'কত অৱস্থিত ফাৰ্মাচী এখনৰ নুৰ ইছলাম নামৰ কৰ্মচাৰী এগৰাকীৰ ৰখাই থোৱা অৱস্থাৰ পৰা এ,এছ-২৫ ডি -- ৮০৩৭ নম্বৰৰ স্প্লেনডাৰ বাইকখন কোনো দুৰ্বৃত্তই চুৰি কৰি নিয়ে । বাইকৰ স্বত্তাধিকাৰীৰ এজাহাৰৰ ভিত্তিত বৃহস্পতিবাৰে হাজো আৰক্ষীৰ এ ব্ৰহ্মৰ নেতৃত্বত এটা আৰক্ষীৰ দলে এটা গোপন সূত্ৰৰ পম খেদি চুৰি বাইকসহ চোৰটোক হাজো বাউসীৰ পৰা আটক কৰে।