হাজোৰ উদীয়মান অভিনেতা ছাব্বিৰ চৌধুৰীৰ ৩৫০টা দুখীয়া পৰিয়ালৰ মাজত খাদ্য সামগ্ৰী বিতৰণ  

হাজোৰ পৰা কমলাকান্ত দাস:

ক'ৰ'না ভাইৰাছৰ ফলত এতিয়া দেশজুৰি 'লকডাউন'।গৃহবন্দী জনতা।এতিয়া এমুঠি অন্নৰ বাবে দৰিদ্ৰৰ হাহাকাৰ।লকডাউনৰ সময়ত দিন হাজিৰা কৰাৰ লোকৰ বাবে নাই কোনো হাজিৰাৰ ব্যৱস্থা।এই মহাসংকটৰ সময়ত হাজোৰ কেতেকীবাৰী নিৱাসী উদীয়মান অভিনেতা ছাব্বিৰ চৌধুৰীয়ে (ৰাজীৱ) দেখুৱালে সুন্দৰ নিৰ্দশন। হাজোৰ সাতখনকৈ গাৱঁৰ ৩৫০ টাকৈ দৰিদ্ৰ পৰিয়ালৰ  মাজত নিত্য ব্যৱহাৰ্য্য খাদ্য-সামগ্ৰী,চাউল,দাইল,মিঠাতেল আদি বিতৰণ কৰে।এই সংকটৰ সময়ত  দুখীয়া পৰিয়ালকেইটাৰ পানীত হাঁহ নচৰা অৱস্থা হোৱাৰ পৰিপেক্ষিত্বত চৌধুৰীয়ে লোৱা এনে পদক্ষেপক অঞ্চলবাসীয়ে ভূয়সী প্ৰশংসা কৰিছে।