হাজোৰ ৰামদিয়াত লকডাউনৰ মাজতে এশ লিটাৰ চুলাই মদ নষ্ট কৰিলে সচেতন ৰাইজে

হাজোৰ পৰা কমলাকান্ত দাস:

সমগ্র বিশ্বব্যাপি ক'ৰ'না ভাইৰাছৰ আত‌ংক অব্যাহত থকাৰ সময়তে তথা লকডাউনৰ মাজতে একাংশ মদ ব্যৱসায়ীয়ে চলাই আছে মদৰ বেপাৰ।তেনে এক ঘটনা সংঘটিত হ'ল হাজোৰ ৰামদিয়াত।ৰামদিয়া কলবাৰী চুবাৰ দুল ভৰালী(৩৭)নামৰ যুবকজনে সুবিধা বুজি চুলাই মদ সংগ্ৰহ কৰি ঘৰতে দোকান পাতি বিক্ৰী কৰি থকাৰ সময়তে স্থানীয় আশা কৰ্মী এগৰাকীৰ হস্তক্ষেপত একাংশ সচেতন লোকে উদ্ধাৰ কৰে দুই বস্তা চুলাই মদৰ পেকেট।চুলাই মদ ব্যৱসায়ী দুলক ৰাইজে ধৰিবলৈ খেদি যায় যদিও পথাৰৰ মাজেৰে দৌৰি পলায়ন কৰিবলৈ সক্ষম হয়।ইফালে,ৰামদিয়া আৰক্ষীৰ সহযোগত ৰাইজে উদ্ধাৰ কৰা প্ৰায় এশ লিটাৰ চুলাই মদৰ পেকেট দুলৰ চোতালতে ফালি-চিৰি পেলাই দিয়ে।