ঘগ্ৰাপাৰত স্কুটাৰ চোৰ আটক     

নৰেন শৰ্মা,বাহাৰঘাট,

নলবাৰী জিলাৰ ঘগ্ৰাপাৰ থানাৰ অন্তৰ্গত বৰাজোলত বুধবাৰে নিশা আৰক্ষীয়ে এটা দুধৰ্ষ মটৰ চাইকেল চোৰক আটক কৰাৰ লগতে এখন নম্বৰ প্লেটবিহীন স্কুটাৰ জব্দ কৰে। ঘগ্ৰাপাৰ আৰক্ষী থানাৰ ভাৰপ্ৰাপ্ত বিষয়া ভাস্কৰ মল্ল পাটোৱাৰীৰ নেতৃত্বত যোৱা এটি আৰক্ষীৰ দলে গোপন সুত্ৰৰ পম খেদি বৰাজোলৰ নিজ গৃহত দুৰ্ধৰ্ষ চোৰ হবিবৰ ৰহমান (৩৩)ক  আটক কৰাৰ লগতে ২২০ মোডেলৰ এখন নম্বৰ প্লেটবিহীন বাজাজ স্কুটাৰ জব্দ কৰে। সুদীৰ্ঘ দিনৰ পৰা মটৰ   চাইকেল  চুুৰিত জড়িত  বুলি স্বীকাৰ  কৰা  হবিবৰ ৰহমানৰ বিৰুদ্ধে ঘগ্ৰাপাৰ আৰক্ষীয়ে ভাৰতীয়  দণ্ডবিধি আইনৰ অধীনত ৩৭৯/৪১১/৪৬৮ ধাৰাত এটি গোচৰ ৰুজু কৰি নলবাৰী দণ্ডাধীশৰ আদালতত হাজিৰ কৰি পুনৰ অধিক তথ্য সংগ্ৰহৰ বাবে দুদিনৰ কাৰণে আৰক্ষীৰ জিন্মাত আনে।