বটদ্ৰবাত শান্তিজানত এজন নিহত

পবিত্ৰ ঈদ-উদ-জোহাৰ আনন্দ উৎসৱ চলি থকাৰ সময়তে আজি পুৱতি নিশা নগাঁও জিলাৰ বটদ্ৰবাত সংঘটিত এক শোকাবহ দুৰ্ঘটনাত এজন লোক নিহত হয়৷ নিহত লোকজনক নুৰ ইছলাম বুলি চিনাক্ত কৰাৰ হৈছে৷ প্ৰাপ্ত বাতৰি মতে আজি পুৱতি নিশা জিয়াবুৰ ৰহমান আৰু আবুল ছাত্তাৰ নামৰ লোক দুজনে এএছ ০২-আৰ ৭৪০৪ নম্বৰ ইয়ন গাড়ী এখনেৰে মৈৰাবাৰীৰ পৰা নিজ গৃহ শিলপুখুৰীলৈ আহি থকা অৱস্থাতে গাড়ীখনে নিয়ন্ত্ৰণ হেৰুৱাই পথৰ দাঁতিত থকা শান্তিজান বিলত সোমায়গৈ৷ 

ঘটনাটো সংঘটিত হোৱাৰ পিছতে দুই আৰোহী জিয়াবুৰ ৰহমান আৰু আব্দুল ছাত্তাৰ পানীৰ পৰা উঠি আহিবলৈ সক্ষম হয় যদিও গাড়ী চালক নুৰ ইছলাম পানীৰ মাজতেই আবদ্ধ হৈ থাকে ৷ পিছত বটদ্ৰবা আৰক্ষীয়ে এছ ডি আৰ এফৰ সহযোগত মৃত অৱস্থাত নুৰ ইছলামক উদ্ধাৰ কৰে৷ ঈদৰ দিনা পুৱা এনে মৰ্মান্তিক ঘটাই অঞ্চলটোৰ লগতে জিলাখনতে শোকৰ ছাঁ পেলায়৷