বৰপেটাৰোড প্ৰেছ ক্লাবত গ্ৰন্থ উন্মোচন 

বৰপেটাৰোডৰ পৰা ৰঞ্জিত তালুকদাৰ:

বৰপেটাৰোড প্ৰেছ ক্লাবৰ সহযোগত দেওবাৰে ক্লাবৰ প্ৰেক্ষাগৃহত এখন গ্ৰন্থ উন্মোচনী সভা অনুষ্ঠিত হয়। সু-সাহিত্যিক তথা অৱসৰপ্ৰাপ্ত বেংক বিষয়া ডাঃ মানিকলাল ভৌমিক আৰু তেওঁৰ সহধৰ্মিনী মণিকা ভৌমিকৰ দুখনি গ্ৰন্থ উন্মোচন কৰা হয়। সভাত ডাঃ মানিকলাল ভৌমিকৰ অসমীয়া উপন্যাস 'অনুসন্ধান' উন্মোচন কৰে বি এইচ কলেজৰ অৱসৰপ্ৰাপ্ত অধ্যক্ষ ডঃ ৰমেন্দ্ৰ কুমাৰ দাসে আৰু মণিকা ভৌমিকৰ বাংলা কাব্যগ্ৰন্থ 'জীৱনতো একটাই' গ্ৰন্থখন উন্মোচন কৰে বৰপেটাৰোড সাহিত্য সভাৰ সভাপতি তথা সাহিত্যিক হিতেশ দাসে। সাংবাদিক জয়ন্ত কুমাৰ দাসে পৰিচালনা কৰা গাম্ভীৰ্য্যপূৰ্ণ সভাখনত বক্তব্য  প্ৰদান   কৰে বিশিষ্ট সমাজকৰ্মী দ্বীপেন বৰ্মন, বৰপেটাৰোড প্ৰেছ ক্লাবৰ সভাপতি ভেইৰু শৰ্মা, সু-সাহিত্যিক নঞ্জু দত্ত আৰু লেখক ডাঃ মানিকলাল ভৌমিকে। অনুষ্ঠানত বহু সংখ্যক স্থানীয় লোকৰ লগতে শিল্পী-সাহিত্যিক আৰু সাংবাদিকে অংশ গ্ৰহণ কৰে।