বিলাসীপাৰাত দৰিদ্ৰ পৰিয়ালৰ ছাত্ৰীৰ মাজত চাইকেল বিতৰণ

বিলাসীপাৰাৰ পৰা জহিৰুল ইছলামৰ প্রতিবেদন : 

ধুবুৰী জিলাৰ বিলাসীপাৰাৰ নায়েৰ আলগা চৰ উন্নয়ন প্ৰকল্পৰ বিষয়া, আব্দুল আউৱালৰ উদ্যোগত  বিলাসীপাৰা প্ৰতিমা পাণ্ডে প্ৰেক্ষাগৃহত শনিবাৰে চৰাঞ্চলৰ  দুখীয়া  পৰিয়ালৰ ছাত্ৰীৰ মাজত লেডিজ ছাইকেল বিতৰণ কৰাৰ উদ্দেশ্যে এখন সভা অনুষ্ঠিত  কৰা হয়। ২৭ নং বিলাসীপাৰা পূব বিধানসভা সমষ্টিৰ বিধায়ক অশোক কুমাৰ সিংহীয়ে চাইকেল বিতৰণ কৰি শুভাৰম্ভণি কৰা এই অনুষ্ঠানটোত উপস্থিত থাকে বিলাসীপাৰাৰ মহকুমাধিপতি মৃদুল যাধৱ, বিলাসীপাৰাৰ ৰাজহ- চক্ৰ বিষয়া ছাৰ্ফ্ৰাচ হক, চাপৰ ৰাজহ চক্র বিষয়া, বিলাসীপাৰা কৃষি মহকুমা বিষয়া আহমেদ হোছেইন , বিলাসীপাৰা মহকুমা শিক্ষা খণ্ড বিষয়া মনোজ কুমাৰ ফুকন আদিকে ধৰি বহু গণ্যমান্য লোক। উল্লেখ্যোগ্য যে উক্ত বিতৰণী সভাখনত সৰ্বমুঠ ৩১৫ খন লেডিজ চাইকেল বিতৰণ কৰা হয়। সভাখনত প্ৰকল্পটোৰ কৰ্মকৰ্তাসকলৰ লগতে প্ৰায়  পাঁচ শতাধিক ছাত্ৰী আৰু ৰাইজ উপস্থিত থাকে।