চৰ্দাৰ পেটেলৰ বিচাৰধাৰাত ভাৰতৰ একতাৰ কথা প্ৰতিগৰাকী ব্যক্তিয়ে অনুভৱ কৰিব পাৰে-প্ৰধানমন্ত্ৰী মোডী

আজি দেশৰ প্ৰথমগৰাকী উপ-প্ৰধানমন্ত্ৰী লৌহপুৰুষ চৰ্দাৰবল্লভ ভাই পেটেলৰ ১৪৪ সংখ্যক জন্মজয়ন্তী।বৃহস্পতিবাৰে পুৱাই প্ৰধানমন্ত্ৰী নৰেন্দ্ৰ মোডীয়ে গুজৰাটৰ কেৱৰীয়াস্থিত চৰ্দাৰ পেটেলৰ বিশ্বৰ সৰ্বোচ্চ প্ৰতিমূৰ্তি 'ষ্টেচু অৱ ইউনিটী'ত লৌহপুৰুষগৰাকীৰ প্ৰতি শ্ৰদ্ধাঞ্জলি নিবেদন কৰে।প্ৰধানমন্ত্ৰী মোডীয়ে নিজৰ বক্তব্যত কয় যে চৰ্দাৰ পেটেলৰ বিচাৰধাৰাত ভাৰতৰ একতাৰ কথা প্ৰতিগৰাকী ব্যক্তিয়ে অনুভৱ কৰিব পাৰে।চৰ্দাৰ পেটেলৰ জন্মজয়ন্তী উপলক্ষে প্ৰধানমন্ত্ৰী মোডীয়ে 'ষ্টেচু অৱ ইউনিটী'ৰ তলত দেশবাসীক একতাৰ শপত দিয়ে।চৰ্দাৰ পেটেলৰ জন্মজয়ন্তীত আজি সমগ্ৰ ভাৰততে একতাৰ দৌৰ কাৰ্যসূচী ৰূপায়ণ কৰা হৈছে।গুৱাহাটীত নেহৰু ষ্টেডিয়ামত চৰ্দাৰ বল্লভভাই পেটেলৰ জন্মজয়ন্তীৰ অনুষ্ঠান অনুষ্ঠিত কৰা হয়।এই অনুষ্ঠানত মুখ্যমন্ত্ৰী সৰ্বানন্দ সোণোৱালে অংশগ্ৰহণ কৰে।নেহৰু ষ্টেডিয়ামৰ পৰা 'একতাৰ দৌৰ' উলিওৱা হয়।এই 'একতাৰ দৌৰ'ত মহানগৰীৰ বহু লোকে অংশগ্ৰহণ কৰে।