২৪ সংখ্যক পূব নাগশংকৰ কেন্দ্ৰীয় ৰাস মহোৎসৱৰ আয়োজন 

জামুগুৰিহাটৰ পৰা চন্দন শৰ্মা:

শোণিতপুৰ জিলাৰ নদুৱাৰৰ অন্তৰ্গত ইটাখোলাৰ সংস্কৃতিৰ কেন্দ্ৰভূমি হিচাপে পৰিচিত চেঙামাৰী খেলপথাৰত বিগত বৰ্ষৰ দৰে এইবেলিও অহা ২২ আৰু ২৩  নৱেম্বৰত ২৪ সংখ্যক পূব নাগশংকৰ  কেন্দ্ৰীয়  ৰাস মহোৎসৱ দুদিনীয়া কাৰ্য্যসূচীৰে আয়োজন কৰা হৈছে । উক্ত ৰাস মহোৎসৱত মূখ্য আকৰ্ষণ হিচাপে উপস্থিত থাকিব অসমীয়া ছবি জগতৰ বিশিষ্ট অভিনেত্ৰী তথা 'ৰাধা'ৰ অভিনয়ৰে দৃষ্টি আকৰ্ষণ কৰিবলৈ সক্ষম হোৱা নৃত্যাঙ্গনা,সকলোৰে পৰিচিত মুনমী ফুকন আৰু মুনমী কলিতা।দুদিনীয়া কাৰ্য্যসূচীৰে আয়োজন কৰা উক্ত ৰাস মহোৎসৱলৈ উদযাপন সমিতিয়ে সমুহ ৰাইজক  আন্তৰিকতাৰে নিমন্ত্ৰণ জনাইছে।লগতে শিশুলীলা মহাৰাসত অভিনয় আৰু গোপী নৃত্য পৰিৱেশন কৰিবৰ বাবে অনুৰোধ জনাইছে ৰাস মহোৎসৱৰ উদ্যোক্তাসকলে ।