শিৱসাগৰৰ পৰা কল্যাণজ্যোতি বুঢ়াগোহাঁই:
শিৱসাগৰৰ গেমন দলঙত পুৱতি নিশা সংঘটিত হয় এক পথ দুৰ্ঘটনা। গেমন দলঙৰ ৰেলিঙৰ ৪/৫ টা খুটা ভাঙি দুৰ্ঘটনাগ্ৰস্ত গাড়ী দিখৌ নদীত পৰাৰ সন্দেহ কৰা হৈছে।ঘটনাস্থলীৰ পৰা আৰক্ষীয়ে দূৰ্ঘটনাত পতিত এখন 'আই ২০'গাড়ী উদ্ধাৰ কৰি নিশায়েই থানালৈ লৈ যায়। উদ্ধাৰ হোৱা গাড়ীখনৰ নম্বৰ AS04J 5335।
ঘটনাস্থলীত দুখন গাড়ীৰ মুখামুখি সংঘৰ্ষ হোৱাৰ সন্দেহ কৰিছে ৰাইজে। নদীৰ পানীত তেল উপঙি থকালৈ চাই আন এখন গাড়ী দিখৌ নদীত পৰি যোৱাৰ সন্দেহ কৰিছে স্থানীয় ৰাইজে। বৰ্তমান এচডিআৰএফে দিখৌ নদীত উদ্ধাৰ অভিযান চলাই আছে।
পুৱতি নিশা স্থানীয় লোকে এটা প্ৰচণ্ড শব্দ শুনিছিল বুলি জানিবলৈ দিয়ে। কোনো লোকে আৰক্ষীক খবৰ দিয়াত আৰক্ষীয়ে ঘটনাস্থলীলৈ আহি এখন আই ২০ গাড়ী উদ্ধাৰ কৰে যদিও গাড়ীখনত কোনো আৰোহী নাছিল। গেমন দলঙৰ ৰেলিঙৰ ভঙা খুটাকেইটালৈ চাই আৰু অন্য এখন গাড়ীৰ ভগ্নাৱশেষ উদ্ধাৰ হোৱাত এখন গাড়ী নদীত পৰাৰ আশংকা প্ৰকাশ কৰিছে স্থানীয় ৰাইজে।
- Log in to post comments
- 29 views
