বৰভাগ প্ৰেছ ক্লাৱৰ উদ্যোগত বৰ্ষীয়ান সাংবাদিক নাউদত্ত তালুকদাৰৰ ৰাজহুৱা সম্বৰ্ধনা সভা 

নৰেন শৰ্মা,বাহাৰঘাট :

নলবাৰী জিলাৰ  বৰভাগ প্ৰেছ ক্লাৱৰ  উদ্যোগত অহা ২৭ অক্টোবৰত নলবাৰী জিলাৰ একমাত্ৰ সাংবাদিক পেঞ্চনাৰ, বৰভাগ প্ৰেছ ক্লাৱৰ প্ৰাক্তন সভাপতি,উপদেষ্টা তথা বৰ্ষীয়ান সাংবাদিক নাউদত্ত তালুকদাৰক সম্বৰ্ধনা জনোৱাৰ বাবে এখন ৰাজহুৱা সম্বৰ্ধনা সভাৰ আয়োজন কৰা হৈছে। উল্লেখযোগ্য যে, দিনযোৰা কাৰ্যসূচীৰে বৰভাগ মহাবিদ্যালয় প্ৰাংগণত আয়োজন কৰা উক্ত সভাৰ প্ৰথম কাৰ্যসূচী হিচাপে পুৱা ৮ বজাত  সদৌ অসম সাংবাদিক সন্থাৰ সাংগঠনিক সম্পাদক কিশোৰ কুমাৰ কলিতাই সদৌ অসম সাংবাদিক সন্থাৰ পতাকা উত্তোলন কৰাৰ পিছতেই বৰভাগ প্ৰেছ ক্লাৱৰ সাধাৰণ সম্পাদক হিমজ্যোতি ভূঞাই শ্বহীদ তৰ্পন কাৰ্যসূচী ৰূপায়ণ কৰিব। শ্বহীদ বেদীত মাল্যাৰ্পন কৰিব অসম জাতীয়তাবাদী যুৱ ছাত্ৰ পৰিষদৰ বৰভাগ আঞ্চলিক সমিতিৰ সভাপতি তাজিমুদ্দিন আহমেদে ।আনহাতে, পোহৰৰ উৎসৱ দীপাৱলী উপলক্ষে বন্তি প্ৰজ্বলন কাৰ্যসূচী ৰূপায়ণ  কৰিব ক্ৰমে গ্ৰাম্য বিকাশ মঞ্চৰ সভাপতি  পৃথ্বিভূষন ডেকা ,নলবাৰী জিলা সাংবাদিক সন্থাৰ যুটীয়া সম্পাদক বসন্ত দাস আৰু সদৌ নলবাৰী ছাত্ৰ সন্থাৰ সহকাৰী সম্পাদক সমৰজ্যোতি মহন্তই।

একেদৰে, দিনৰ ১১ বজাত বৰভাগ প্ৰেছ ক্লাৱৰ সভাপতি ৰমেন তালুকদাৰৰ সভাপতিত্বত  প্ৰবীন সাংবাদিক ,সাংবাদিক পেঞ্চনাৰ ,বৰভাগ প্ৰেছ ক্লাৱৰ প্ৰাক্তন সভাপতি নাউদত্ত তালুকদাৰক সম্বৰ্ধনা জনোৱা হ'ব ।সভাত মূখ্য অতিথি হিচাপে নলবাৰী জিলাৰ উপায়ুক্ত ভাৰত ভূষণ দেৱ চৌধুৰী ,নিৰ্দিষ্ট বক্তা হিচাপে বৰভাগ মহাবিদ্যালয়ৰ অৱসৰপ্ৰাপ্ত অধ্যক্ষ ফণীধৰ ডেকা ,বিশিষ্ট অতিথি হিচাবে নলবাৰী জিলা সাংবাদিক সন্থাৰ প্ৰধান সম্পাদক ৰমেন কলিতা, আৰু আমন্ত্ৰিত অতিথি হিচাবে অসম গ্ৰামীণ জীৱিকা অভিযান  নলবাৰীৰ জিলা প্ৰকল্প পৰিচালক চন্দন তালুকদাৰে অংশগ্ৰহণ কৰিব ।

আনহাতে, সম্বৰ্ধনা সভাত বৰভাগ সংগীত মহাবিদ্যালয়, কণ্ঠশিল্পী সুনীল কুমাৰ দাসৰ লগতে ধাৰেশ্বৰ দাসে গীত পৰিৱেশন কৰিব। 
অনুষ্ঠানৰ সমূহ কাৰ্যসূচীত বৰভাগৰ বিভিন্ন দল-সংগঠনৰ লগতে ৰাইজৰ উপস্থিতি তথা সহায়-সহযোগিতা বৰভাগ প্ৰেছ ক্লাৱৰ সভাপতি ৰমেন তালুকদাৰ আৰু সম্পাদক হিমজ্যোতি ভূঞাই শ্ৰদ্ধাৰে কামনা কৰিছে।