সোণাৰিত ফ্লাইং স্কোৱাৰ্ডে পুনৰ জব্দ কৰিলে এক লাখ টকা

সোণাৰিৰ পৰা ঘণ বৰাৰ প্রতিবেদন :

সোণাৰি সাপেখাতিত  ফ্লাইং স্কোৱাডে পুনৰ জব্দ কৰিলে এক লাখ টকা। দেওবাৰে সন্ধিয়া ফ্লায়িং স্কোৱাডৰ নিয়মীয়া তালাচীৰ সময়ত জব্দ কৰা হয় টকাখিনি। সোণাৰিৰ পৰা বৰাচালি বাগানলৈ নি থকা অৱস্থাতে টকা খিনি জব্দ কৰা হয় । জানিব পৰা মতে বাগিচাৰ দৰমহা দিয়াৰ বাবে নি থকা হৈছিল  টকা খিনি কিন্তু উপযুক্ত তথ্য পাতি দেখুৱাব নোৱাৰাৰ বাবেই জব্দ কৰি ৰখা হৈছে টকাখিনি। উল্লেখ্য যে সোণাৰি সমষ্টিৰ উপ নিৰ্বাচনৰ পৰিপ্ৰেক্ষিতত এতিয়ালৈকে প্ৰায় ২৩ লাখ টকা জব্দ কৰিছে চৰাইদেউ জিলাৰ ফ্লায়িং স্কোৱাডৰ দলে।