ড্ৰাগছৰ কবলত নগাঁও,  মৰিগাঁও জিলাৰ বিভিন্ন অঞ্চল : হিৰ'ইনসহ ছয় সৰবৰাহকাৰী আৰক্ষীৰ জালত 

বটদ্ৰবাৰ পৰা নিপন নাথৰ প্রতিবেদন :

নিষিদ্ধ ড্ৰাগছে সম্প্ৰতি চানি ধৰিছে নগাঁও আৰু মৰিগাঁও জিলাৰ বিভিন্ন অঞ্চল ৷ দিনক দিনে বৃদ্ধি পাইছে জিলা দুখনত ড্ৰাগছ আসক্তৰ সংখ্যা ৷ নগাঁও জিলাৰ বহু অঞ্চলৰ লগতে মৰিগাঁও জিলাৰ বডি়বজাৰ, শিলপুখুৰী, মিকিৰভেটা আদি অঞ্চলত ব্যাপক হাৰত বৃদ্ধি পাইছে ড্ৰাগছ আসক্তৰ লগতে ড্ৰাগছ সৰবৰাহকাৰীৰ সংখ্যা ৷ দেওবাৰে মৰিগাঁও জিলাৰ মিকিৰভেটা আৰক্ষীয়ে বৰিবজাৰত ড্ৰাগছৰ ঘাটিত অভিযান চলাই ছটাকৈ কুখ্যাত ড্ৰাগছ সৰবৰাহকাৰীক আটক কৰা লগতে দহগ্ৰাম হিৰ'ইনৰ লগতে বিভিন্ন ধৰণৰ সা- সামগ্ৰী আৰু কিছু পৰিমাণে নগদ ধনো উদ্ধাৰ কৰে৷ আটক কৰা লোককেইজন ক্ৰমে আজগৰ আলী,বাচিৰুদ্দিন,আমিনুল হক , মুকাব্বিৰ আলী, মুজ্জামিল হক আৰু ইনামুল হক বুলি জানিব পৰা গৈছে ৷ আনহাতে আটক কৰা ইনামুল হক হত্যাকাণ্ড লগত জৰিত পলাতক আচামী ৷ বৰ্তমান ছয় ড্ৰাগছ সৰবৰাহকাৰীক মাৰাথান জেৰা অব্যাহত ৰাখিছে মিকিৰভেটা আৰক্ষীয়ে ৷