গহপুৰ মহকুমাৰ হেলেম ৰাজহ চক্ৰৰ অন্তৰ্গত টকৌবাৰীস্থিত পূব বুৰৈ উচ্চ মাধ্যমিক বিদ্যালয়ত পূব বুৰৈ আঞ্চলিক ছাত্র সন্থাৰ উদ্যোগত দেওবাৰে বিয়লি এখন শৈক্ষিক সভা অনুষ্ঠিত হয় ।
পূব বুৰৈ আঞ্চলিক ছাত্র সন্থাৰ সভাপতি দীপক বৰাৰ সভাপতিত্বত সম্পাদক ৰীংকু দাসে আঁতধৰা সভাখনত বিদ্যালয়খনৰ শতাধিক ছাত্র-ছাত্ৰী উপস্থিত থাকে ।
সভাখনত মুখ্য অতিথি হিচাপে বক্তব্য প্ৰদান কৰি গহপুৰ মহকুমা ছাত্র সন্থাৰ সভাপতি ভুৱনেশ্বৰ তাঁতীয়ে শিক্ষাই এটা জাতিৰ অগ্ৰগতিৰ মূল চালিকা শক্তি বুলি উল্লেখ কৰে ৷
লগতে জাতি, মাটি আৰু ভেটিৰ সুৰক্ষাৰ বাবে প্ৰতিযোগিতামুখী মনোবৃত্তিৰে শিক্ষাত ব্ৰতী হ'বৰ বাবে শিক্ষাৰ্থীসকলক আহ্বান জনায় । পূব বুৰৈ আঞ্চলিক ছাত্র সন্থাৰ উপ-সভাপতি গোপাল গগৈয়েও চমু শৈক্ষিক বক্তব্য প্ৰদান কৰা সভাখনত শোণিতপুৰ জিলা ছাত্র সন্থাৰ
কাৰ্যনিৰ্বাহক সদস্য আকাশ পাল, আঞ্চলিক সমিতিখনৰ প্ৰচাৰ সম্পাদক অনন্ত হাজৰিকাসহ আছুৰ একাধিক বিষয়ববীয়া উপস্থিত থাকে ।
শৈক্ষিক সভাখনৰ অন্তত পূব বুৰৈ উচ্চ মাধ্যমিক বিদ্যালয়ৰ আছু গোটৰ এখন সাধাৰণ সভা অনুষ্ঠিত হয় । সভাখনত আছু গোটৰ সাংগঠনিক দিশ সন্দৰ্ভত একাধিক সদস্যই বক্তব্য প্ৰদান কৰে ৷
পিছত সৰ্বসন্মতিক্ৰমে হিমাংশু বৰাক সভাপতি, ভুবন ছেত্ৰীক সম্পাদক হিচাপে লৈ পূব বুৰৈ উচ্চ মাধ্যমিক বিদ্যালয়ৰ আছু গোটৰ ৩১জনীয়া কাৰ্যনিৰ্বাহক সমিতিখন গঠন কৰা হয় ।
- Log in to post comments
- 11 views
