নামৰূপ সাৰ কাৰখানাৰ উদ্যোগত অনুষ্ঠিত "স্বচ্ছতা পখৱাড়া -২০১৯" কাৰ্য্যসূচীৰ সফল সমাপ্তি

নামৰূপৰ পৰা সমীৰণ বৰুৱাৰ প্রতিবেদন :

যোৱা ১ ছেপ্টেম্বৰ পৰা১৫ চেপ্টেম্বৰলৈকে নামৰূপ বি ভি এফ চি এল'ৰ উদ্যোগত এটি পষেকীয়া স্বচ্ছতা পখৱাড়া আয়োজন হৈ যায়।সাৰ কাৰখানাৰ পৰা আৰম্ভ এই পষেকীয়া কাৰ্যসূচীত বি ভি এফ চি এলে নামৰূপস্থিত বিভিন্ন বিদ্যালয়, মহাবিদ্যালয়, মেডিকেল, বজাৰ সাৰকাৰখানা আবাসীক এলেকাত স্বচ্ছতাৰ ওপৰত পথ সভা,চাফাই অভিযানৰ লগতে সজাগতা সভা আয়োজন কৰি সকলোকে স্বচ্ছতাৰ দিশত আগবাঢ়ি আহি নিজৰ ঘৰখনৰ লগতে বিদ্যালয়, মহাবিদ্যালয়, মেডিকেল,কাৰ্যালয়,বজাৰ সমাৰ, নিজৰ চাৰিসীমাৰ লগতে ওচৰ পাজৰৰ পৰিবেশ স্বচ্ছ কৰি ৰাখিবলৈ সকলোকে আহ্বান জনাই।উল্লেখযোগ্য বি ভি এফ চি এলে যোৱা পোন্ধৰ দিনে চলোৱা এই স্বচ্ছ পখৱাড়া কাৰ্যসূচী দেওবাৰে সফল সমাপ্তি হৈ যায়।

বি ভি এফ চি এলৰ অফিচাৰ ক্লাৱত পুৱা ১০:৩০ বজাত আয়োজিত এই স্বচ্ছ পখৱাড়া কাৰ্যসূচীত বি ভি এফ চি এলৰ প্ৰশাসনিক বিষয়া পংকজ গগৈয়ে আতধৰা অনুষ্ঠানটিত বি ভি এফ চি এলৰ মুখ্য প্ৰশাসনিক বিষয়া প্ৰণৱ কুমাৰ ভট্টাচাৰ্যই এই পষেকীয়া স্বচ্ছ পখৱাড়া কাৰ্যসূচীত অংশগ্ৰহণ কৰা সকলো বি ভি এফ চি এলৰ উচ্চপদস্থ বিষয়া,কৰ্মচাৰী, সাৰ কাৰখানা শ্ৰমিক ইউনিয়ন, জেচিঅ,ওৱাৰকাৰ্ছ ইউনিয়ন লগতে ,মেডিকেলৰ কৰ্মচাৰী,বিদ্যালয়, মহাবিদ্যালয়লৈ ধন্যবাদ জনাই।লগতে ভট্টাচাৰ্য্যই স্বচ্ছ পখৱাড়া ওপৰত এলানি বক্তব্য ৰাখে।এই স্বচ্ছ পখৱাড়া সফল সমাপ্তি কাৰ্যসূচীত বি ভি এফ চি এলৰ অধ্যক্ষ,পৰিচালন সঞ্চালক সঞ্জয় মহেশ্বৰী,উৎপাদন সঞ্চালক অশীম কুমাৰ ঘোষ,মহাপ্ৰবন্ধক(বাণিজ্য)ওৱাই কে গোৱেল,মুখ্য প্ৰশাসনিক বিষয়া প্ৰণৱ কুমাৰ ভট্টাচাৰ্য, প্ৰশাসনিক বিষয়া পংকজ গগৈ, শ্ৰমিক ইউনিয়নৰ সম্পাদক তিলেশ্বৰ বৰা,জেচিঅ ৰ সম্পাদক সুৰেন গগৈ, ৱকাচ ইউনিয়নৰ সভাপতি বাদল গগৈৰ লগতে বি ভি এফ চি এলৰ কৰ্মচাৰী লগতে বিভিন্ন জনে স্বচ্ছতা সম্পৰ্কে বক্তব্য ৰাখে।