সেৱা সপ্তাহ উপলক্ষে বঙাইগাঁও জিলা বিজেপিৰ ৰক্তদান শিবিৰ 

বঙাইগাঁওঃ

প্ৰধানমন্ত্ৰী নৰেন্দ্ৰ মোদীৰ জন্মদিনৰ সৈতে  সংগতি ৰাখি ভাৰতীয় জনতা পাৰ্টিয়ে গোটেই দেশজুৰি আৰম্ভ কৰা 'সেৱা সপ্তাহ' কাৰ্যসূচীৰ অংশ হিচাপে শনিবাৰে বঙাইগাঁও জিলা বিজেপিৰ উদ্যোগত বঙাইগাঁও অসামৰিক চিকিৎসালয়ত এক ৰক্তদান শিবিৰ অনুষ্ঠিত হয় ৷ এই ৰক্তদান শিবিৰত ২০ গৰাকী দলীয় কাৰ্যকৰ্তাই ৰক্তদান কৰে ৷ ৰক্তদান কাৰ্যসূচীৰ আৰম্ভণিতে চিকিৎসালয়খনৰ অধীক্ষক ডাঃ এন চি পাঠক আৰু বিশিষ্ট চিকিৎসক ডাঃ পৰেশ চন্দ্ৰ ৰায়ক সম্বৰ্ধনা জনাই জিলা বিজেপিৰ সভাপতি সুকেন ৰায়ে কাৰ্যসূচীৰ বিস্তৃত বিৱৰণ আগবঢ়ায় ৷ কাৰ্যসূচীত জিলা বিজেপিৰ সাধাৰণ সম্পাদক উজ্বল কান্তি ৰায়, উপ সভাপতি কৌস্তভ কুমাৰ দাস, কমলা ভাগৱতী, জিলা মহিলা মৰ্চাৰ সাধাৰণ সম্পাদিকা গংগাৰাণী বৰুৱা, জিলা বিজেপিৰ সম্পাদক তথা সেৱা সপ্তাহৰ জিলা প্ৰমুখ জ্যোতিৰ্ময় সককাৰৰ লগতে জিলাৰ বিভিন্ন মৰ্চাৰ সভাপতি , মণ্ডল সভাপতি তথা জিলা আৰু মণ্ডল পৰ্যায়ৰ বিভিন্ন  পদাধিকাৰীসকল উপস্থিত থাকে ৷