বজালীৰ পাঠশালাত যান বাহন আইন উলংঘাকাৰীক আৰক্ষীয়ে পিন্ধালে মালা , দিলে চকলেট 

বজালীৰ পৰা বুবু কলিতাৰ প্রতিবেদন :

বজালীৰ পাঠশালাত পৰিবহন বিভাগ অাৰু আৰক্ষীয়ে যুটীয়াকৈ  যান-বাহন আইন উলংঘাকাৰীৰ বিৰুদ্ধে চলালে এক অভিযান  lঅভিযান কালত যি সকল যান বাহন চালকে আইন অমান্য কৰি ৰাজপথত গাড়ী চলাই আছিল আৰক্ষীয়ে  সেইসকলক ৰখাই  মালা  পিন্ধালে।আৰু যি সকলে আইন মানি বাহন চলাইছিল সেইসকলক অাজি পৰিবহন বিভাগে এটাকৈ চকলেট প্ৰদান কৰি ধন্যবাদ জ্ঞাপন কৰে।
যানবাহনৰ ক্ষেত্ৰত নতুন নিয়ম লাগু হোৱাৰ পিছতেই বৰপেটা জিলা পৰিবহন বিভাগে পাঠশালাৰ ৰাইজক সজাগ কৰাৰ বাবে আজিকে ধৰি দুবাৰকৈ গ্ৰহণ কৰিছে এনে বিশেষ পদক্ষেপ l অাজি বৰপেটা জিলা পৰিবহন বিষয়া মুনীন দাস,এনফোৰ্চমেণ্ট বিষয়া হিমাংশু কুমাৰ দাস অাৰু মহকুমা আৰক্ষী বিষয়া বিৰিঞ্চি কুমাৰ বৰুৱাৰ নেতৃত্বত পৰিবহন বিভাগ অাৰু আৰক্ষীৰ এটা বৃহৎ দলে পাঠশালাৰ ৰাজপথত বিভিন্ন স্হানত পথ  সভা আয়োজন কৰাৰ লগতে বাহন সমূহ নতুন নিয়ম সন্দৰ্ভত ভালদৰে বুজাই দিবলৈ যত্নপৰ হৈ পৰা পৰিলক্ষিত হয়। অনুজ্ঞাপত্ৰ নোহোৱাকৈ, অথবা সুৰাপান কৰি গাড়ী চলালে অাৰু হেলমেটৰ লগতে চাৰিচকীয়া বাহন চলাই চিটবেল্ট নলগালে পৰিনাম অাৰু ইয়াৰ বাবে থকা আইনী ব্যৱস্থা সম্পৰ্কেও অবগত কৰে। বিশেষকৈ পাঠশালাৰ বিভিন্ন শিক্ষানুষ্ঠানৰ ছাত্ৰ ছাত্ৰী সকলৰ বাহন সমূহ ৰখাই নতুন নীতি সন্দৰ্ভত সজাগ কৰিবলৈ চেষ্টা কৰে পৰিবহন বিভাগে।বিভাগ দুটাৰ এনে গুৰুত্বপূৰ্ণ পদক্ষেপৰ বাবে পাঠশালাৰ স্হানীয় সচেতন মহলে শলাগ লোৱা পৰিলক্ষিত হৈছে ll                   

বজালীৰ পৰা বুবু কলিতাৰ প্রতিবেদন :