বিশ্বনাথত ৫ গঁড় চিকাৰী আটক

 জামুগুৰিহাটৰ পৰা চন্দন শৰ্মা

শনিবাৰে নিশা বিশ্বনাথ বন সংমণ্ডলৰ ৰেঞ্জাৰ প্ৰাঞ্জল বৰুৱাৰ নেতৃত্বত যোৱা এটা দল আৰু বৰগাং আৰক্ষীৰ যুটীয়া অভিযানত পাচঁজন গঁড় চিকাৰীক আটক কৰিবলৈ সক্ষম হয়৷ এক গোপন সূত্ৰৰ পম খেদি দুজন গঁড় চিকাৰী আৰফান আলী (ৰেহান), ৰামকিবাই (জন)ক বিশ্বনাথ চাৰিআলিৰ পৰা বিহালীলৈ বাছেৰে যোৱাৰ সময়ত বৰগাংৰ ভিতৰুৱা এলেকাত আটক কৰে৷ এই ধৃত চিকাৰী দুজনৰ স্বীকাৰোক্তিৰ ভিত্তিত মিণ্টু হাজৰিকা,  টুটুমণি শইকীয়া আৰু  পোণাৰাম দাস নামৰ আন তিনিজন চিকাৰীক আটক কৰিবলৈ সক্ষম হয় যদিও তেওঁলোকৰ হাতত কোনো ধৰণৰ আপত্তিজনক বস্তু পোৱা নাই ৷

মোবাইল ফোনসমূহ জব্দ কৰা হৈছে বন সংমণ্ডলৰ কাৰ্যালয়ত অধিক সোধপোছৰ বাবে ধৃত চিকাৰী কেইজনক ৰখা হৈছে । ইয়াৰ লগত জড়িত বাকী লোককো আটক কৰিবলৈ অভিযান অব্যাহত ৰাখিছে৷ আৰফান আলী ইয়াৰ আগতে দুবাৰকৈ গঁড় হত্যাৰ অভিযোগত অভিযুক্ত আছিল৷