মালিগাঁৱৰ গোশালাত ৰাভা দিৱসৰ আয়োজন

নিউজ ডেস্ক :
স্বেচ্ছাসেৱী অনুষ্ঠান অন্বেষণৰ উদ্যোগত আৰু এন এফ ৰেলৱে অ.বি.চি এমপ্লইজ এছোচিয়েচনৰ সহযোগত বৃহস্পতিবাৰে (২০জুনত) মহানগৰীৰ মালিগাঁৱৰ গোশালাত দিনজোৰা কাৰ্যসূচীৰে অনুষ্ঠিত হ'ব কলাগুৰু বিষ্ণু প্ৰসাদ ৰাভা দিৱস।অনুষ্ঠানৰ লগত সংগতি ৰাখি ৰাভা সংগীতৰ প্ৰতিযোগিতা আৰু ৰাভা সংগীতৰ আধাৰত নৃত্য প্ৰতিযোগিতাৰো আয়োজন কৰিছে আয়োজকে।ইয়াৰ উপৰিও উদ্যোক্তা সমিতিয়ে জানিবলৈ দিয়া অনুসৰি কলাগুৰুৰ কৰ্মৰাজিৰ সোঁৱৰণ কৰিবলৈ আয়োজন কৰা মুকলি সভাত নিৰ্দিষ্ট বক্তা হিচাপে উপস্থিত থাকিব গুৱাহাটী বিশ্ববিদ্যালয়ৰ অসমীয়া বিভাগৰ প্ৰৱক্তা ডক্টৰ উপেন ৰাভা হাকাচাম।