নলবাৰীত শিক্ষা সমিতি,অসমৰ বাৰ্ষিক সাধাৰণ সভা সম্পন্ন

বিদ্যা ভাৰতী অখিল ভাৰতীয় শিক্ষা সংস্থানৰ সংবদ্ধ শিশু শিক্ষা সমিতিৰ ২০১৯ বৰ্ষৰ বাৰ্ষিক সাধাৰণ সভাখন দেওবাৰে দিনযোৰা কাৰ্যসূচীৰে শংকৰদেৱ শিশু আৰু দেবেন্দ্ৰ  চন্দ্ৰপ্ৰভা বিদ্যা নিকেতন,নলবাৰীত অনুষ্ঠিত কৰা হয়।বন্তি প্ৰজ্জ্বলন,বন্দনাৰে আৰম্ভণি হোৱা সভাখনত সভাপতিত্ব কৰে শিশু শিক্ষা সমিতি,অসমৰ সভাপতি ডঃনিৰ্মল বৰুৱাই।সভাপতিৰ আসন গ্ৰহণৰ পিছতেই চিনাকিপৰ্ব আৰু সৰ্ম্বধনা অনুষ্ঠান অনুষ্ঠিত কৰা হয়।ইয়াৰ পিছতেই নলবাৰী শংকৰদেৱ শিশু আৰু দেৱেন্দ্ৰ চন্দ্ৰপ্ৰভা বিদ্যা  নিকেতনৰ ছাত্ৰীসকলে সভাত  দলীয় সংগীত পৰিৱেশন কৰে।

বিদ্যা ভাৰতীৰ মন্ত্ৰী আৰু পূৰ্ব্বোত্তৰ ক্ষেত্ৰৰ সাংগঠনিক সম্পাদক ব্ৰহ্মাজী ৰাওৱে উদ্ধোধনী ভাষন প্ৰদান কৰে। লগতে মঞ্চত উপবিষ্ট থাকে শিশু শিক্ষা সমিতি ,অসমৰ সাধাৰণ সম্পাদক কুলেন্দ্ৰ কুমাৰ ভাগৱতী,শিশু শিক্ষা সমিতি,অসমৰ প্ৰভাৰী তথা উত্তৰ অসম প্ৰান্তৰ সহকাৰ্যবাহ পৰিতোষ ঘোষ,ক্ষেত্ৰীয় কাৰ্যবাহ ডা:উমেশ চক্ৰৱৰ্তী,শিশু শিক্ষা সমিতি,অসমৰ উপসভাপতি তথা শংকৰদেৱ শিশু নিকেতন,নলবাৰীৰ সভাপতি সৰলা তালুকদাৰ বৰ্মন। বাৰ্ষিক সভাৰ সম্পাদকীয় প্ৰতিবেদন  পাঠ কৰে সাধাৰণ সম্পাদক কুলেন্দ্ৰ কুমাৰ ভাগৱতীয়ে। সভাৰ দ্বিতীয় সত্ৰত শিশু শিক্ষা সমিতি অসমৰ বিভিন্ন উপ-সমিতিসমূহৰ প্ৰমুখসকলে নিজ নিজ কৰ্ম আঁচনি সম্পৰ্কত বক্তব্য প্ৰদান কৰে।