কলাক্ষেত্ৰত কেৱল মহিলা শিল্পীয়ে অভিনয় কৰা 'কাৰেঙৰ লিগিৰী' মঞ্চস্থ

নিউজ ডেস্ক:
'বৰ অসম সামাজিক-সাংস্কৃতিক মঞ্চ'ৰ অন্তৰ্ভুক্ত 'বৃহত্তৰ গুৱাহাটী মহিলা মঞ্চ সাংস্কৃতিক সংস্থা'ৰ দ্বিতীয় নিবেদন ৰূপকোঁৱৰ জ্যোতিপ্ৰসাদ আগৰৱালাৰ কালজয়ী নাটক 'কাৰেঙৰ লিগিৰী' দেওবাৰে মঞ্চস্থ কৰা হয়।

শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰী  মাধৱদেৱ আন্তৰ্জাতিক প্ৰেক্ষাগৃহত মঞ্চস্থ কেৱল মহিলা শিল্পীয়ে অভিনয় কৰা নাটখনৰ সামগ্ৰিক পৰিকল্পনা আছিল শিখা বেজবৰুৱা গোস্বামীৰ। নাটখনৰ পৰিচালক পংকজ গোস্বামী।

নাটখনত মহিলা শিল্পীসকলে মানসম্পন্ন অভিনয় কৰে।নাটখন উপভোগ কৰিবলৈ সমবেত হোৱা বৃহৎ সংখ্যক দৰ্শকে মহিলা শিল্পীসকলৰ প্ৰচেষ্টাৰ শলাগ লয়।