গোলাঘাট জিলা ক্ৰীড়া সন্থাৰ সভাকক্ষত চোৰৰ চাফাই অভিযান

গোলাঘাটৰ পৰা মিনাক্ষী ফুকন

 দিনে -নিশাই  ২ জনকৈ নিৰাপত্তাৰক্ষী, ২ জনকৈ কাৰ্যালয় তত্ত্বাৱধায়কৰ, উপস্থিতি স্বত্বেও চোৰে সকলোৰে চকুত ধূলি দি  চুৰি কৰি নিলে গোলাঘাট জিলা ক্ৰীড়া সন্থাৰ সভাকক্ষৰ প্ৰায় ৬০ হাজাৰ টকাৰ আচবাব। আজি কোনো কাৰণবশত: এজন তত্বাৱধায়ক  সভাকক্ষৰ ভিতৰত প্ৰৱেশ কৰাতহে এই সমগ্ৰ ঘটনাটো পোহৰলৈ আহে।

এখন চোফা,১৭ খনকৈ দামী চকী চুৰি হোৱা বুলি অৱগত  হোৱা গৈছে। উল্লেখ্য যে এই চুৰিৰ ঘটনা কেতিয়া সংঘটিত হ'ল ,এই বিষয়ে আজিকোপতি কোনো বিষয়ববীয়া বা কাৰ্যালয় তত্বাৱধায়কে ভূকে  পোৱা নাছিল।কিন্ত আজি সমগ্ৰ ঘটনা পোহৰলৈ অহাৰ পিছত ততাতৈয়াকৈ জিলা ক্ৰীড়া সন্থাৰ বিষয়ববীয়াসকল উপস্থিত হৈ গোলাঘাট আৰক্ষী থানাত ঘটনা  সন্দৰ্ভত এখন এজাহাৰ দাখিল কৰে।