নৱ নিৰ্বাচিত বিভিন্ন প্ৰতিনিধিক সম্বৰ্ধনা

বিগত সময়চোৱাত হৈ যোৱা পঞ্চায়ত আৰু মিচিং স্বায়ত্ত শাসিত পৰিষদৰ নিৰ্বাচনৰ পৰা নৱ নিৰ্বাচিত প্ৰতিনিধিক টিএমপিকে, এমএমকে আৰু টিএমএমকে মাজুলী জিলা সমিতিয়ে আনুষ্ঠানিকভাৱে আজি সম্বৰ্ধনা জনায় । তিনিওটা সমিতিয়ে যৌথভাৱে মধ্য মাজুলীৰ পাৰিজাত উচ্চতৰ মাধ্যমিক বিদ্যালয়ত এমএমকে মাজুলী জিলা সমিতিৰ ভাৰপ্ৰাপ্ত সভাপতি ৰাজীৱ পেগুৰ সভাপতিত্বত অনুষ্ঠিত হয়৷ 

সম্বৰ্ধনা অনুষ্ঠানত ক্ৰমে ৪ নং উজনি মাজুলী জিলা পৰিষদৰ সদস্য দেৱজিৎ পাতিৰ, উজনি মাজুলী আঞ্চলিক পঞ্চায়তৰ সভানেত্ৰী ৰেখামনি দলে, মিচিং স্বায়ত্ত শাসিত পৰিষদৰ অন্তৰ্গত সমষ্টি ক্ৰমে ৩০নং চাংগা মাজুলীৰ সাধাৰণ সদস্য নীলকান্ত দলে, ৩১নং ফুলনি জকাইবোৱা সমষ্টিৰ ত্ৰৈলোক্য পামেগাম ৷ ৩২নং ৰাদাং ৰিক্কং সমষ্টিৰ উমা পাঠৰী আদিৰ লগতে ৰতনপুৰ মিৰিগাওঁ পঞ্চায়তৰ সভানেত্ৰী মনজিলিকা দলে পেগু, জেংৰাই গাওঁ পঞ্চায়তৰ সভানেত্ৰী ৰিংকুমনি পেগু দলে, শ্ৰীলোহিত গাওঁ পঞ্চায়তৰ সভাপতি বিজু কুলি, লুহিতপৰীয়া গাওঁ পঞ্চায়তৰ আঞ্চলিক সদস্য প্ৰবীণ মিলি, কৰতিপাৰ গাওঁ পঞ্চায়তৰ আঞ্চলিক সদস্যা মনিতা দলে লাগাচু ৷

আনহাতে পকাজৰা গাওঁ পঞ্চায়তৰ আঞ্চলিক সদস্য বিমল চন্দ্ৰ (চবিলাল) পগাগ আদি বিভিন্নগৰাকী নৱ নিৰ্বাচিত প্ৰতিনিধিক স্মাৰক বঁটা আৰু মিচিং মাপলাৰেৰে সম্বৰ্ধনা জনোৱা হয় । এমএমকে মাজুলী জিলা সমিতিৰ সম্পাদক ৰঞ্জিত গামে আঁত ধৰা অনুষ্ঠানত সম্বৰ্ধনা জনোৱা আটাইগৰাকী প্ৰতিনিধিসকল হৈছে সন্মিলিত গনশক্তি অসম দলৰ পৰা নিৰ্বাচিত হৈছে ।