মক্ৰং উৰণপখী ভৱনত তিনিদিনীয়া কৰ্মশালা সম্পন্ন

গোলাঘাটৰ পৰা মীনাক্ষী ফুকন
নেহৰু যুৱ কেন্দ্ৰ, গোলাঘাটৰ পৃষ্ঠপোষকতাত আৰু মক্ৰং উৰণপখী ভৱন সহযোগত যোৱা ইং ২৬, ২৭ আৰু ২৮ জানুৱাৰী, ২০১৯ তাৰিখে তিনিদিনীয়া কাৰ্যসূচীৰে 'ট্ৰেইনিং অন য়ুথ লিডাৰশ্বিপ এণ্ড কমিউনিটি ডেভেলপমেণ্ট' শীৰ্ষক এখনি কৰ্মশালা সম্পন্ন হৈ যায় ৷ প্ৰথম দিনা কৰ্মসুচী মতে বিভিন্ন ক্লাব, এন.জি.অৰ প্ৰতিনিধি সদস্যৰ পঞ্জীয়ন কৰা হয় ৷

দ্বিতীয় আৰু তৃতীয় দিনা বহুকেইগৰাকী সমল ব্যক্তিয়ে বিভিন্ন দিশত সদস্যসকলৰ আগত বক্তব্য প্ৰদান কৰে ৷ তৃতীয় দিনাৰ শেষৰ ফালে সকলো সদস্যক মানপত্ৰ প্ৰদাল কৰা হয় ৷ এই অনুষ্ঠানৰ শুভাৰম্ভণি কৰে যুৱ সমাজকৰ্মী, সুবক্তা তথা সুকবি দীপ বৰিয়ে ৷ মক্ৰং উৰণপখী ভৱনৰ সভাপতি দিনমণি ফুকনে কয় যে, এই অনুষ্ঠানৰ জৰিয়তে আমাৰ পিছপৰা অঞ্চলৰ যুৱক-যুৱতীসকলে বহু জ্ঞান লাভ কৰিছে আৰু এই অনুষ্ঠানত সমল ব্যক্তিসকল আৰু গোলাঘাট নেহৰু যুৱকেন্দ্ৰক ধন্যবাদ জনায় ৷