হাজো আৰক্ষীয়ে জব্দ কৰিলে গৰুচুৰিত ব্যৱহৃত বিলাসী বাহন

হাজোৰ পৰা কমলাকান্ত দাস

হাজো আৰক্ষীয়ে আজি পুৱতি নিশা জব্দ কৰে গৰু চুৰিত ব্যৱহাৰ কৰা বিলাসী বাহন মহেন্দ্ৰ জাইলো। এ এছ-০১ এ টি-০০৬৬ নম্বৰৰ মহেন্দ্ৰ জাইলো গাডীখনেৰে চুৰি কৰি আনিছিল গৰু। বিশেষ খবৰৰ ভিত্তিত হাজোৰ কোবাৰপুৰ বালাৰ পৰা হাজো আৰক্ষীযে পুৱতি নিশা উদ্ধাৰ কৰে গাড়ীখন। লগতে এখন বৃহৎ আকাৰৰ দা উদ্ধাৰ কৰে গাড়ীখনৰ লগত। আৰক্ষীৰ উমান পাই অৱশ্যে কুৱলিৰ সুযোগ বুজি চোৰে গৰু নমাই গাড়ীখন পথাৰৰ মাজত এৰি থৈ পলায়ন কৰে। গৰু চুৰিচক্ৰৰ বিৰুদ্ধে তদন্ত আৰম্ভ কৰিছে হাজো আৰক্ষীয়ে।