বিলাসীপাৰাস্থ হাজীপাৰা বিদ্যালয় কিয় বন্ধ কৰ্তৃপক্ষই নাজানে

বিলাসীপাৰা পৰা জহিৰুল ইছলামৰ 

যোৱা ১৪ আৰু ১৫ জানুৱাৰী ২০১৯ তাৰিখে ভোগালী বিহু উকলি যোৱাৰ পিছত আজি বিলাসীপাৰাস্হ সাংবাদিকৰ দল এটাই আকস্মিকভাৱে ধুবুৰী জিলাৰ বিলাসীপাৰা প্ৰাথমিক শিক্ষা খণ্ডৰ অন্তৰ্গত শগুনমাৰী গাঁও পঞ্চায়তত প্ৰৱেশ কৰি কদমতলা ২১৫৬নং পুৰণা হাজীপাৰা এল পি স্কুলত তলা ওলমাই থকা প্ৰত্যক্ষ কৰে। সাংবাদিকৰ দলটোৱে বিদ্যালয়খনত তলা ওলোমাই থকা প্ৰত্যক্ষ কৰি উক্ত বিদ্যালয়ৰ পৰিচালনা সমিতিৰ সভাপতিক মাতি আনি বিদ্যালয়ত তলা ওলোমাই থকা সম্পৰ্কে অৱগত কৰোৱা হয়।

সভাপতিগৰাকীয়ে কয় যে আজি কোনো বিদ্যালয় বন্ধ নাই। কিন্তু আজি কিয় এইখন বিদ্যালয় বন্ধ এই বিষয়ে তেওঁ একো নাজানে? ইয়াৰ দ্বাৰাই বুজা যায় যে বিগত দিনত বিদ্যালয়খনৰ শিক্ষকসকলে কিমান দূৰ নিয়মীয়া পাঠদান কৰিছে বুলি তাৰ জলন্ত উদাহৰণ আজি বিদ্যালয়খন বন্ধ বা তলা ওলোমাই থকাই প্ৰমাণ কৰিলে। এই ক্ষেত্ৰত বিভাগীয় কৰ্তৃপক্ষই কি ব্যৱস্থা গ্ৰহণ কৰে সময়ত লক্ষ্যণীয় হ'ব।