হোজাইৰ উপায়ুক্ত মানৱেন্দ্ৰ প্ৰতাপ সিঙক বিদায় সম্বৰ্ধনা

ডবকাৰ পৰা জমিৰ উদ্দিন তালুকদাৰ 
হোজাই জিলাৰ উপায়ুক্ত মানৱেন্দ্ৰ প্ৰতাপ সিঙক আজি উপায়ুক্তৰ সভাকক্ষত অনুষ্ঠিত এক সভাৰ জৰিয়তে বিদায় সম্বৰ্ধনা জনোৱা    হয় ৷ হোজাই জিলাৰ উপায়ুক্ত হিচাপে সেৱা আগবঢ়োৱা মানৱেন্দ্ৰ প্ৰতাপ সিঙক শেহতীয়াভাৱে ৰাজ্য চৰকাৰে এক নিৰ্দেশযোগে ধেমাজি জিলাৰ উপায়ুক্ত ৰূপে বদলি কৰে ৷ সদ্য বিদায়ী উপায়ুক্ত গৰাকীক আজি হোজাই জিলা উপায়ুক্ত কাৰ্যালয়ৰ বিষয়া-কৰ্মচাৰীসকলে এক আৱেগিক পৰিৱেশত বিদায় সম্ভাষণ জ্ঞাপন কৰে ৷ হোজাইৰ দুই সমাজসেৱী অনুষ্ঠান আজমল ফাউণ্ডেচনৰ মহা প্ৰৱন্ধক খছৰুল ইছলাম আৰু মৰ্কজুল মা'আৰিফৰ সাধাৰণ সম্পাদক খলিলুৰ ৰহমান লস্কৰ বিদায়ী সভাত উপস্থিত হৈ বিষয়াগৰাকীৰ জিলাখনৰ সাধাৰণ মানুহৰ সৈতে থকা সম্পৰ্কৰ কথা উত্থাপন কৰি বক্তব্য আগবঢ়ায় ৷