গোলাঘাটৰ অভিশ্ৰুতি শৰ্মালৈ কেন্দ্ৰীয় চৰকাৰৰ স্বীকৃতি

গোলাঘাটৰ পৰা মীনাক্ষী ফুকন
গোলাঘাট বিবেকানন্দ কেন্দ্ৰ বিদ্যালয়ৰ ষষ্ঠ শ্ৰেণীৰ ছাত্ৰী অভিশ্ৰুতি শৰ্মাই কেন্দ্ৰীয় চৰকাৰৰ সাংস্কৃতিক বিভাগৰ অধীনত চি চি আৰ টিৰ ২০১৮-১৯ বৰ্ষৰ বাবে সাংস্কৃতিক প্ৰতিভা সন্ধানী বৃত্তি লাভ কৰিছে। অসমৰ লোকগীত বিষয়ৰ অধ্যয়নৰ বাবে এই বৃত্তি আগবঢ়োৱা হৈছে। অভিশ্ৰুতি শৰ্মা একেধাৰে ডিব্ৰুগড় অনাতাঁৰ কেন্দ্ৰৰ সেউজী চ’ৰাৰ শিশু শিল্পী ৰূপেওঁ স্বীকৃতিপ্ৰাপ্ত হোৱাৰ লগতে সদৌ অসম ভিত্তিত আয়োজিত বিভিন্ন সংগীত প্ৰতিযোগিতাত অংশ লৈ সুনাম অৰ্জন কৰি আহিছে।

গোলাঘাট জ্যোতিনগৰ নিৱাসী তপন শৰ্মা হাজৰিকা আৰু মানসী শৰ্মাৰ কন্যা আৰু অভিশ্ৰুতিয়ে অনাতাঁৰ শিল্পী তথা লোক সংগীতৰ সাধক ৰুমী শইকীয়াৰ তত্বাৱধানত শিক্ষা গ্ৰহণ কৰি আছে।