জুৰীয়াৰ সমাজ কৰ্মী, প্ৰাক্তন শিক্ষক মোহন চন্দ্ৰ ভূঞাৰ মৃত্যু

জুৰীয়াৰ পৰা উত্তম কুমাৰ বৰা
নগাঁও জিলাৰ জুৰীয়া থিয়টাঙনী গাঁৱৰ নিবাসী বিশিষ্ট সমাজ কৰ্ম্মী, প্ৰাক্তন শিক্ষক, শ্ৰীমন্ত শঙ্কৰদেৱ মন্দিৰ সমিতিৰ প্ৰাক্তন সভাপতি আৰু থিয়টাঙনী গাৱঁৰ নামঘৰ সমিতিৰ প্ৰাক্তন সভাপতি মোহন চন্দ্ৰ ভূঞাৰ আজি পুৱা নিজ বাসগৃহত পৰলোক প্ৰাপ্তি ঘটে।

৮২ বছৰ বয়সত বাৰ্ধক্যজনিত কাৰণত মৃত্যু হোৱা নিৰহংকাৰী প্ৰয়াত ভূঞাৰ মৃত্যুৰ বাতৰি বিয়পি পৰাৰ লগে লগে বিভিন্ন অনুষ্ঠান-প্ৰতিষ্ঠানৰ লগতে অসংখ্য গুণমুগ্ধ উপস্থিত হৈ শেষ শ্ৰদ্ধা জ্ঞাপন কৰে। ভূঞাৰ মৃত্যুত অঞ্চলটোত শোকৰ ছাঁ পৰিছে । তেখেতৰ মৃত্যুত জুৰীয়া আঞ্চলিক ছাত্ৰ সন্থা, জুৰীয়া প্ৰেছ ক্লাব, জুৰীয়া শংকৰদেৱ মন্দিৰ সমিতিকে ধৰি বিভিন্ন অনুষ্ঠান-প্ৰতিষ্ঠানে শোক প্ৰকাশ কৰিছে।